ექიმი ევგენი კულგავჩუკი: გაჩნდა მორჩილი და პასიური კაცების ახალი კლასი

სექსოლოგთა პროფესიული ასოციაციის პრეზიდენტმა ევგენი კულგავჩუკმა განმარტა რუსი მამაკაცების სიყვარული ძლიერი ქალების მიმართ. "მეხუთე არხთან " საუბარში მან ყურადღება გაამახვილა იმაზე, რომ ასეთი ტიპაჟები მე-20 საუკუნის დასაწყისის ომებმა ჩამოაყალიბა.

კულგავჩუკმა აღნიშნა, რომ პირველ და მეორე მსოფლიო ომებში, აგრეთვე სამოქალაქო ომებში, დაიღუპნენ ყველაზე აქტიური, გაბედული და თავდაჯერებული კაცები, ხოლო მათ, ვინც დარჩნენ, ფიზიკურად და ფსიქიკურად ტრამვირებულებს, არ გააჩნდათ ძალა ქალების დასაპყრობად. „ომისშემდგომ წლებში მამრობითი სქესის მოსახლეობა შემცირდა, მაგრამ ზოგიერთი მკვლევარი თვლის, რომ ის ჯერ კიდევ არ არის სრულყოფილად, ხარისხიანად აღდგენილი“, - აღნიშნა სპეციალისტმა.

გარდა ამისა, მან ყურადღება გაამახვილა იმ ფაქტზე, რომ რუსეთში არის ბევრი მარტოხელა ოჯახი, სადაც იბადებიან ბიჭები, რომლებსაც ზრდიან გავლენიანი ქალები - დედა და ბებია სახლში, ხოლო მასწავლებლები სკოლაში. ”ბიჭები სწავლობენ მორჩილებას. შედეგად, ჩნდება მორჩილი და პასიური მამაკაცების ახალი კლასი, რომლებიც ურთიერთობაში ეძებენ მზრუნველ, პასუხისმგებელ, აქტიურ დედას“, - განაცხადა სექსოლოგმა და დასძინა, რომ ქალები იღლებიან ასეთი ტვირთით.

ექიმმა რეკომენდაცია გაუწია ბიჭები მამაკაცურად აღზრდონ და ნუ დათრგუნავენ, რათა მომავალში თავიდან აიცილონ სექსუალური დისჰარმონია.

„მამაკაცისა და ქალის ქორწინება, როდესაც ორივე პიროვნება განვითარებულია, ორივეს აქტიური ცხოვრებისეული პოზიცია გააჩნია „ზრდასრული-ზრდასრულთან“, შეიძლება ჩაითვალოს ჰარმონიულად. დაე, აქტივობა იყოს სინერგიული, არა აბსოლუტური. გავუფრთხილდეთ ერთმანეთს“, - დაასკვნა მან.