ჩვენ ყველა ვცდილობთ ვიპოვოთ ჩვენი ნამდვილი სიყვარული. მეცნიერთა აზრით, შეყვარება დადებითად მოქმედებს ჩვენს ჯანმრთელობაზე - არა მხოლოდ ემოციურზე, არამედ ფიზიკურზეც. ის ხსნის სტრესს, ხსნის ტკივილს, აჩქარებს ჭრილობების შეხორცებას და აქვს მრავალი სხვა მოულოდნელი გვერდითი მოვლენა, რომელთა შესახებაც მოგიყვებით:

1. წყვილების გულისცემა სინქრონიზირდება

სამეცნიერო დასკვნები ადასტურებს, რომ ორი გული ერთნაირად იწყებს ფეთქვას. კვლევის მიხედვით, იმ წყვილების გულისცემა, რომლებიც ერთად არიან დიდი ხნის განმავლობაში, ავტომატურად სინქრონიზდება, ერთად ყოფნის დროს. გულის მონიტორის გამოყენებით, ილინოისის უნივერსიტეტის მეცნიერებმა ჩაწერეს და გაზომეს 10 ხანდაზმული წყვილის გულისცემა.

მკვლევარებმა დაადგინეს, რომ ერთ-ერთი პარტნიორი მეორესთან ახლოს ყოფნისას გავლენას ახდენს მის გულისცემაზე. თუმცა, კვლევას არ გამოუვლენია მკაფიო შაბლონები ამ ცვლილებებში.

2. სიყვარული ქიმიურ დამოკიდებულებას იწვევს

ბიოლოგ-ანთროპოლოგი ჰელენ ფიშერის თქმით, მგრძნობიარე სიყვარული არის „საოცრად ძლიერი დამოკიდებულება, თუ ყველაფერი კარგადაა“. როდესაც ჩვენ გვიყვარს, ტვინი გამოყოფს ჰორმონებს, რომლებიც გვაიძულებს ეიფორიის განცდას და მასზე სწრაფად მიჩვევას.

მკვლევარები განმარტავენ, რომ ეს იმიტომ ხდება, რომ სიყვარული იწვევს ეგრეთ წოდებულ დოფამინის გამოყოფას ჩვენს ტვინში. 2016 წელს ჩატარებულმა კვლევამ შეადარა შეყვარება „ქცევით დამოკიდებულებასთან“.

3. ურთიერთობაში მყოფ ადამიანს არტერიული წნევა უმცირდება

გამოდის, რომ ბედნიერ ქორწინებაში ადამიანები ერთმანეთს ეხმარებიან ჯანმრთელობის შენარჩუნებაში. ზოგიერთი კვლევის მიხედვით, წარმატებულმა ქორწინებამ შეიძლება გამოიწვიოს არტერიული წნევის დაწევა, რაც დადებითად მოქმედებს გულის მდგომარეობაზე. არტერიულმა წნევამ (ჰიპერტენზია) შეიძლება გამოიწვიოს სხვადასხვა გულის დაავადება, ასევე ინსულტი.

ერთი კვლევის შედეგებში, რომელშიც 204 ურთიერთობაში მყოფი ადამიანი და 99 მარტოხელა მამაკაცი და ქალი მონაწილეობდა, ჩანს, რომ მხოლოდ ბედნიერი ქორწინება საკმარისია არტერიული წნევის შესამცირებლად. ამავდროულად, ეს კვლევა ვარაუდობს, რომ მარტოხელა ადამიანები უფრო ჯანმრთელები არიან, ვიდრე ისინი, ვინც ქორწინებაში ბედნიერები არ არიან. ანუ ქორწინებას თავისთავად არ მოაქვს სარგებელი, არამედ მნიშვნელოვანია ურთიერთობებთან დაკავშირებული კმაყოფილების განცდა.


4. შეყვარებულ ადამიანს ორჯერ უფრო იშვიათად სტკივა თავი

როდესაც შეყვარებულები ვართ, ჩვენი ტვინი ჭარბად გამოიმუშავებს ბედნიერების ჰორმონს, რომელსაც ოქსიტოცინი ეწოდება. სტენფორდის უნივერსიტეტის მედიცინის სკოლაში ჩატარებულ კვლევაში, ქრონიკული თავის ტკივილის მქონე სუბიექტებს აძლევდნენ ცხვირის სპრეის ამ "სიყვარულის ჰორმონით".

მონაწილეთა ნახევარში, რამდენიმე საათში, თავის ტკივილი შემცირდა და სუბიექტების მეორე ნაწილმა განაცხადა, რომ მათ მთლიანად გაუქრათ ტკივილი.

5. თანაგრძნობა ავითარებს სიყვარულის უნარს

უამრავი მტკიცებულებაა იმისა, რომ თანაგრძნობა და სიკეთე იწვევს დადებით ცვლილებებს ტვინში. „თანაგრძნობა ზრდის ტვინის ცენტრების აქტივობას, რომლებიც დაკავშირებულია ემპათიასთან და დადებით ემოციებთან და ამცირებს ცენტრების აქტივობას, რომლებიც პასუხისმგებელნი არიან შიშის გრძნობაზე“, - განმარტავს დოქტორი მელანი გრინბერგი.

თანაგრძნობა ააქტიურებს ტვინის იმავე უბნებს, რომლებიც მონაწილეობენ ბედნიერების ჰორმონის ოქსიტოცინის გამოყოფაში.


6. სიყვარული შეიძლება ძლიერი გამაყუჩებელი იყოს

სტენფორდის უნივერსიტეტის მედიცინის სკოლის მკვლევარებმა დაადგინეს, რომ შეყვარებულის თბილი გრძნობა იწვევს ტვინში იგივე რეაქციას, როგორც ტკივილგამაყუჩებლები (მხოლოდ მავნე გვერდითი ეფექტების გარეშე). კვლევაში მონაწილე მეცნიერებმა ჩაატარეს MRI სკანირება მათზე, ვისაც ბედნიერი რომანტიული ურთიერთობა ჰქონდა.

მათ აღმოაჩინეს რაღაც საინტერესო: ადამიანებმა, რომლებიც ათვალიერებდნენ თავიანთი საყვარლების ფოტოებს, აჩვენეს გაზრდილი აქტივობა ტვინის იმ ადგილებში, რომლებიც პასუხისმგებელნი არიან ბედნიერების ჰორმონზე. აქედან შეგვიძლია დავასკვნათ, რომ სიყვარულმა შეიძლება შეამციროს ფიზიკური ტკივილი.

7. სიყვარული შორი მანძილის დროს სინამდვილეში მას უფრო აძლიერებს

შეიძლება ზოგიერთისგან გსმენიათ, რომ შორ მანძილზე სიყვარული არ მუშაობს, მაგრამ მეცნიერება სხვაგვარად ამბობს. Journal of Communication-ში გამოქვეყნებულმა კვლევამ აჩვენა, რომ დისტანციური ურთიერთობები არა მხოლოდ არსებობს, არამედ ზრდის პარტნიორებს შორის ნდობის დონეს. ბევრი წყვილი განშორების პერიოდს უფრო ძლიერი ურთიერთობის საფუძვლადაც კი მიიჩნევს.


8. მამაკაცებს უფრო სწრაფად უყვარდებათ, ვიდრე ქალებს

მიუხედავად გავრცელებული რწმენისა, რომ ქალები უფრო ემოციურები არიან, ზოგიერთი კვლევა აჩვენებს, რომ მამაკაცებს რეალურად უფრო სწრაფად უყვარდებათ და პირველები ამბობენ: „მიყვარხარ“. მიზეზები ბოლომდე გასაგები არ არის, მაგრამ მეცნიერები ვარაუდობენ, რომ ქალები, როგორც წესი, უფრო ფრთხილები არიან ურთიერთობებში და უფრო ერიდებიან იმედგაცრუებას.

9. სიყვარული ხელს უწყობს ჭრილობების სწრაფ შეხორცებას

ბედნიერი ურთიერთობის სარგებელი იმდენად დიდია, რომ ადამიანის ჭრილობებიც კი უფრო სწრაფად შეხორცდება. ოჰაიოს სახელმწიფო უნივერსიტეტის სამედიცინო ცენტრში ჩატარებულ კვლევაში მეცნიერებმა მცირე ჭრილობები მიაყენეს დაქორწინებულ წყვილებს. თითქმის 2-ჯერ უფრო სწრაფად შეხორცდა პარტნიორების ნაკაწრები, ვიდრე მათში ვინც ერთმანეთის მიმართ მტრულად იყო განწყობილი.

10. ბოლოს და ბოლოს, პეპლები მუცელში" გაქრებიან და ეს სრულებით ნორმალურია

მეცნიერთა აზრით, ეს ტკბილი გრძნობა, რომელიც ჩნდება მაშინ, როცა ვინმეზე ვართ შეყვარებული, არ ნიშნავს, რომ ყოველთვის ასე იქნება. ეს უბრალოდ ფიზიოლოგიური რეაქციაა ვინმეზე, ვისზეც შეყვარებულები ვართ.

დროთა განმავლობაში, როდესაც წყვილი იწყებს მეტი დროის ერთად გატარებას, ნერვიულობა ქრება და ეს სრულიად ნორმალურია. „ჭეშმარიტი სიყვარული ბედნიერი გამოცდილებაა, ის არ შეიცავს ნერვიულობას ან აღელვებას“, - აღნიშნავს ნეირომეცნიერი ნიკოლ გრავანია.