თავდაცვის ყოფილი მინისტრი და პარტია "გამარჯვებული საქართველოს" ლიდერი ირაკლი ოქრუაშვილი POSTV-ზე მომზადებულ სიუჟეტს ეხმაურება და შალვა რამიშვილზე წერს:

"სამი დღეა თვითმფრინავში ვარ და გზაში ამბად დამაწიეს შალვა რამიშვილის უბორნიატვ-მ დიდი სიუჟეტი მოგიძღვნაო. ჯერ ერთი, ვირისგან რომ წიხლი არ უნდა მეწყინოს დიდი ხანია მივეჩვიე. მეორე, მაგან ჩემზე კარგი რომ თქვას ძალიან მეწყინება და მესამე, ახია ჩემზე - 2003 წელს ჩემს ოფისში დიდ შეკრებაზე რომ გამოაცხადა ილია ჭავჭავაძეც კაი @@ე იყოო და მაგის გამო წილქვეშ გაიგდეს და ორი სკამი დაამტვრიეს თავზე გია მაისაშვილმა და სხვებმა, მაშინ არ უნდა გამომეგლიჯა იმათი ხელიდან."-წერს ირაკლი ოქრუაშვილი.

ცნობისთვის, სულ ახლახან POSTV-ზე გავიდა სიუჟეტი სათაურით "სელფის ჯოხით ომში წასული ირაკლი ოქრუაშვილი" სადაც მის წარსულზე საუბრობენ და მის მიერ გადადგმულ არაპოპულარულ ნაბიჯებს იხსენებენ.

შეგახსენებთ, 48 ირაკლი ოქრუაშვილი უკრაინაში საბრძოლველად მარტის დასაწყისში წავიდა და იქ თითქმის ორი თვის განმავლობაში იმყოფებოდა, რა დროსაც აქტიურად აზიარებდა ფრონტზე მიმდინარე მოვლენებს პოსტების, ფოტო თუ ვიდემასალების სახით.