“მილანის” მეპატრონემ, სილვიო ბერლუსკონიმ განაცხადა, რომ საფეხბურთო კლუბს გაყიდიდა, ვინმემ მისი შეძენის სურვილი რომ გამოთქვას. იტალიის პრემიერ-მინისტრმა ეს განცხადება მას მერე გააკეთა, რაც ჩემპიონთა ლიგის ჯგუფური ეტაპის სტარტზე “მილანმა” ბელგიის “ანდერლეხტს” ვერ მოუგო (0:0).
“ეს უბრალოდ სირცხვილია. ვინმემ “მილანის” შეძენის სურვილი რომ გამოთქვას, კლუბს დაუყონებლივ გავყიდი”, – იუწყება ბერლუსკონის სიტყვებს იტალიური გამოცემა La Stampa.
შეგახსენებთ, რომ მიმდინარე სეზონში “მილანს” ჯერ საკუთარ მოედანზე თამაში არ მოუგია.