ბარბაროსული სისასტიკე ბუჩაში იყო კრემლის მიზანმიმართული სტრატეგიის ნაწილი, რომელიც ნაწილობრივ განხორციელდა ე.წ. ვაგნერის ჯგუფის დაქირავებული ბოევიკების მიერ.

გერმანიის საგარეო დაზვერვის სამსახურმა (BND) მიიღო ცნობები პუტინის ძალებისგან, რომლებიც განიხილავდნენ მშვიდობიანი მოსახლეობის სასტიკ მკვლელობას კიევის მახლობლად ბუჩაში, აწ უკვე "საშინელებათა ქალაქში" რომელიც უკრაინულმა მხარემ შაბათ-კვირას დაიბრუნა.

საუბრები ეხებოდა კონკრეტულ გვამებს, ერთი ჯარისკაცი საუბრობს იმაზე, თუ როგორ ესროლა მან და მისმა კოლეგებმა ვიღაცა ველოსიპედიანს, მეორემ კი ამბობს: "ჯერ დაკითხე ჯარისკაცები, შემდეგ დახვრიტე".

აუდიო შეტყობინებები BND-მა გადასცა გერმანიის პარლამენტს, რათა კიდევ უფრო გაამყაროს კრემლის უსაფუძვლო განცხადებები იმის შესახებ, რომ "ცხედრების ამაზრზენი შოუ" თავად უკრაინამ მოაწყო მას შემდეგ, რაც რუსეთმა ქალაქიდან დატოვა, იუწყება Spiegel-ი.

ჩანაწერების მოსმენის ასევე ირკვევა, რომ "ვაგნერის" დაჯგუფება იმყოფებოდა ქალაქში და „გადამწყვეტი როლი“ შეასრულა ხოცვა-ჟლეტაში.

ხოცვა-ჟლეტის მსგავსი სცენები, სავარაუდოდ, ქვეყნის სხვა ადგილებშიც გვხვდება.

"ვაგნერის ჯგუფი"გასაიდუმოებული სამხედრო დაჯგუფება, რომელიც დაკავშირებულია მთელ მსოფლიოში მკვლელობების, გაუპატიურებისა და ომში ჩადენილ დანაშაულებებთან, ცნობილია როგორც პუტინის კერძო არმია, რომელიც თავის ბინძურ საქმეებსაც სახელმწიფოსგან მოშორებით ასრულებს, მათ შორის უკრაინაში, მათი საბრძოლო ნათლობა ყირიმში მოხდა, ამის გარდა სამხედრო დანაშაულები აქვთ ჩადენილი სირიაში, ლიბიასა და ცენტრალური აფრიკის რესპუბლიკაში.

რუსულმა ვებ-გვერდმა „ფონტანკამ“ გამოძიება დაიწყო. აღმოჩნდა, რომ. მისი მთავარი დისლოკაციის ადგილი კრასნოდარის ოლქის სოფელი მოლკინოა, სათავეში ვინმე დიმიტრი უტკინი უდგას, დაფინანსებით კი რუსი მილიარდერი ევგენი პრიგოჟინი ეხმარება.

დაქირავებულთა „სამსახურში მიღება“ სერიოზულ დონემდეა აყვანილი. თითოეული ახალწვეულის ბიოგრაფია განსაკუთრებულ შემოწმებას გადის. სამხედრო რაზმში ჩარიცხულ ყოველ ახალ მებრძოლს სპეციალური ხელწერილის დაწერა უწევს, სადაც აღნიშნავს, რომ ამ სამსახურის შესახებ ინფორმაციას საიდუმლოდ შეინახავს. თავდაპირველად მებრძოლები ანაზღაურების სახით თვეში 240 ათას რუსულ რუბლს იღებდნენ. მებრძოლის გარდაცვალების შემთხვევაში ოჯახს გადაეცემა კომპენსაცია, რომელიც 40 ათას ევროს შეადგენს. საბრძოლო ოპერაციებში ჭრილობის მიღებისას „ვაგნერის ჯგუფის“ მებრძოლები მკურნალობას რუსეთის სახელმწიფო სამხედრო ჰოსპიტალებში გადიან. გამოცემა „delfi.lv“-ის მტკიცებით, „ვაგნერის ჯგუფში“ ძირითადად რუსები, ჩეჩნები, ოსები და აფხაზები ირიცხებიან.არსებობს ინფორმაცია, რომ მათ რიგებში სერბებიც არიან.