ძველად, ერთ თავადს არ უნდოდა თავის სამფლობელოში ვინმეს შეშვება, გარშემო სამფლობელოს უზარმაზარი გალავანი შემოავლო და დიდ მდინარეზე აგებული ხიდის გარდა იქ შესვლა შეუძლებელი გახდა.ამ ხიდზე შეიარაღებული გუშაგი დააყენა, რომელსაც დაავალა ვინც ამ სათავადოში შესვლას დააპირებდა ეკითხა რისთვის მოდიოდა.

თუ მგზავრი შესვლის მართალ მიზეზს არ ეტყოდა მას იქვე გამზადებულ სახრჩობელაზე ჩამოახრჩობდა, თუ სიმართლეს ეტყოდა, მგზავრს მდინარეში გადააგდებდა და დახრჩობას მაინც ვერ გადაურჩებოდა.

ასეთი სისასტიკით უმასპინძლდებოდა მმართველი ყველას, ვინც მის სამფლობელოში შესვლას მოისურვებდა.

მაგრამ, გამოჩნდა ერთი გულად კაცი, რომელიც გულმშვიდად მიადგა ამ სახიფათო ადგილს.

-რისთვის მოდიხარ?-მკაცრად შესძახა გუშაგმა.

ამ გაბედულ კაცს ისეთი პასუხი აღმოაჩნდა, რომ გუშაგმა, რომელიც მუდამ პირნათლად ასრულებდა ტავის მოვალეობას, ვერაფერი მოუხერხა მგზავრს და ისიც თავისუფლად შევიდა სასტიკი თავადის სამფლობელოში.

თქვენც გამოიცანით, რა პასუხი გასცა მგზავრმა გუშაგს, რომ აკრძალულ სამფლობელოში შესვლა მოახერხა