თურქეთის საკურორტო ქალაქ მარმარისში რამდენიმე კვირის წინ ახალი "ღირსშესანიშნაობა" გამოჩნდა - პორტში რომან აბრამოვიჩის 162, 5 მეტრის სიგრძის იახტა Eclipse შემოვიდა. ძვირადღირებული გემი მაშინვე გახდა ადგილობრივი მაცხოვრებლების და ტურისტების ყურადღების ობიექტი და პორტის "ინსტაგრამის" გეოტეგი სწრაფად გაივსო რუსი ოლიგარქის იახტის ფონზე გადაღებული ფოტოებით.

Eclipse თურქეთში გასულ კვირას ჩავიდა. თებერვლის ბოლოს იახტა კარიბის ზღვიდან გავიდა, სადაც მანამდე დიდი ხნის განმავლობაში იმყოფებოდა. აბრამოვიჩის მეორე იახტა Solaris, რომელიც ბოდრუმში ჩავიდა ბარსელონადან, ახლა მდებარეობს თურქეთის სანაპიროსთან. მას შემდეგ, რაც დასავლურმა ქვეყნებმა დაიწყეს სანქციების დაწესება რუსი მილიარდერების მიმართ და მათი ქონების ჩამორთმევა საზღვარგარეთ, ბევრმა იჩქარა იახტების „ევაკუაცია“ იმ ქვეყნებში, რომლებიც აქამდე თავს იკავებდნენ სანქციებისგან - არაბეთის გაერთიანებულ საემიროებსა და მალდივებზე ასევე დიდი მოთხოვნა იყო.

თავად აბრამოვიჩიც ახლა თურქეთშია. გუშინ სტამბულში მან მონაწილეობა მიიღო რუსეთისა და უკრაინის დელეგაციების მოლაპარაკებებში, რომელიც დოლმაბაჰჩეს სასახლეში გაიმართა.