მექსიკელი კინომსახიობი და პროდიუსერი. იგი მექსიკელთაგან ჰოლივუდის ყველაზე წარმატებული მსახიობია კარმენ მირანდას შემდეგ. სალმა ჰაიეკი 2002 წელს ნომინირებული იყო ოსკარის პრემიაზე საუკეთესო ქალის როლის შესრულებისთვის ფილმში „ფრიდა“.

ჰაიეკის პირველი ეკრანზე გამოჩენა იყო სატელევიზიო სერიალში Un Nuevo Amanecer (1988), რომელმაც მიიღო TVyNovelas-ის ჯილდო საუკეთესო სადებიუტო მსახიობისთვის.

ჰაიეკის საქველმოქმედო საქმიანობა მოიცავს ქალთა მიმართ ძალადობისა და ემიგრანტების დისკრიმინაციის შესახებ ცნობიერების ამაღლებას. 2005 წლის 19 ივლისს ჰაიეკმა ჩვენება მისცა აშშ-ს სენატის სასამართლო კომიტეტის წინაშე, რომელიც მხარს უჭერდა ქალთა მიმართ ძალადობის აქტის ხელახალი ავტორიზაციას.

ჰაიეკის საჯარო და პროფესიონალური პროფილები მტკიცედ იყო დაკავშირებული მის აღქმულ სილამაზესთან და სექსუალურ მიმზიდველობასთან. მაგალითად, აღინიშნა, რომ მისი ადრეული ფილმების უმეტესობა, როგორიცაა მოქმედებაზე ორიენტირებული Desperado, From Dusk Till Dawn და Fled, "უპირატესად ასახავდა მას სექსუალური ტიპის როლებში.

სალმა ჰაიეკი ამერიკის შეერთებული შტატების მოქალაქეა. იგი ოთხი წლის განმავლობაში (1999-2003) ხვდებოდა ედვარდ ნორტონს, ხოლო შემდეგ დაახლოებით ერთი წლის განმავლობაში (2003-2004) ჯოშ ლუკასთან ჰქონდა ურთიერთობა. ერთ დროს სალმა ჰაიეკი დაქორწინებას აპირებდა ფრანსუა ანრი პინოსთან, რომლისგანაც 2007 წლის 21 სექტემბერს პირველი შვილი შეეძინა.

თუმცა 2008 წელს წყვილი ერთმანეთს გაშორდა. შვილი სალმას დარჩა. 2009 წლის 23 აპრილს წყვილმა აღადგინა ურთიერთობა და საბოლოოდ სალმა ჰაიეკი და ფრანსუა ანრი პინო დაქორწინდნენ.

სალმა ჰაიეკი სიმაღეში 157 სმ-ია;

მას მეგობრული ურთიერთობა აქვს პენელოპე კრუზთან, ეშლი ჯადთან და ვალერია გოლინოსთან.