მოდელი ბელა ჰადიდი Vogue-ის აპრილის ნომრის გმირი გახდა და გამოცემასთან ინტერვიუში აღიარა, რომ პლასტიკურ ოპერაციას მიმართა, თანაც 14 წლის ასაკში. მოდელმა რინოპლასტიკა გაიკეთა, რასაც, მისი თქმით, ნანობს.
“ჩემი წინაპრების მსგავსად ცხვირის ბუნებრივი ფორმა უნდა შემენარჩუნებინა. ხალხი ფიქრობს, რომ სახე მთლიანად გადავიკეთე მხოლოდ რამდენიმე თინეიჯერული ფოტოს გამო, რომლებშიც დიდი სახე მიჩანს, მაგრამ დარწმუნებული ვარ, ახლა ისე არ გამოიყურები, როგორც 13 წლის ასაკში, არა? ფილერი არ მაქვს. მოდი დავხუროთ ეს თემა. მე არ მაქვს პრობლემა ფილერებთან, მაგრამ ის ჩემთვის არ არის. ამბობენ, რომ თვალების ფორმაც შევცვალე, მაგრამ ეს მხოლოდ სახის წებოვანი ლენტების დამსახურებაა.".
ჰადიდმა ასევე აღიარა, რომ გაიარა თერაპია და რომ ეს იყო "ყველაზე დიდი საჩუქარი, რაც კი ოდესმე გაუკეთებია საკუთარი თავისთვის". არც ისე დიდი ხნის წინ მოდელმა უკვე ისაუბრა ფსიქიკურ პრობლემებზე - დეპრესიის გამო ის იძულებული გახდა, სეზონი გამოეტოვებინა და ჩვენებებში არ მიეღო მონაწილეობა. წელს ბელა უკვე აქტიურად დაუბრუნდა სამუშაოს.