არავისთვის საიდუმლო არ არის, რომ კარდაშიან-ჯენერების კლანი ძვირადღირებულ ნივთებზე ფულს არ ზოგავს, განსაკუთრებით მაშინ, როცა საქმე ჩანთებს ეხება. 24 წლის მილიარდერი კაილი ჯენერი ყველაზე ძვირადღირებული აქსესუარების შესაშური კოლექციის მფლობელია.
რამდენიმე დღის წინ რეალითი შოუს ვარსკვლავი მშობიარობის შემდეგ პირველად დააფიქსირეს სეირნობისას პაპარაცებმა. გოგონას ხელში ლიმიტრებული ჩანთა ნიანგის ტყავისგან შეკერილი Hermès Himalayan Birkin ეკავა, რომლის ღირებულება 150 000 აშშ დოლარია. კაილიმ ის არაერთხელ ახსენა ინტერვიუებში და ამ ჩანთას “განსაკუთრებული" უწოდა.

"ეს არის ერთადერთი ჩანთა, რომელსაც ავიღებდი, თუ ჩემს სახლში ხანძარი გაჩნდებოდა", - ამბობს კაილი.

2 თებერვალს კაილი ჯენერსა და რეპერ ტრევის სკოტს ვაჟი შეეძინათ. მათ პატარას ვოლფ ვებსტერი დაარქვეს. წყვილს უკვე ჰყავს ქალიშვილი სტორმი, რომელიც 2018 წლის თებერვალში დაიბადა. ისინი ერთად ხუთ წელზე მეტია არიან. წყაროების ცნობით, წელს ისინი ურთიერთობის ოფიციალურ სტატუსზე გადავლენ და დაქორწინებასაც გეგმავენ.