„ვაკე, ვერა, მთაწმინდა, სააკაშვილმა გაწმინდა!“ - ამგვარი შინაარსის ლექსები, რომლის ავტორიც კოტე ყუბანეიშვილია, თბილისის ცენტრალურ ქუჩებში ნაგვის ურნებზე ჯერ კიდევ 2002 წელს გამოჩნდა. ავტორი სააკაშვილისადმი სიმპათიებს ამ პერიოდიდან საჯაროდ არ მალავდა და ლექსებით ხოტბას ხშირად ასხამდა. მას შემდეგ ყუბანეიშვილი ნაცმოძრაობის აქტივობებში თავისი „ლექსებით“ ხშირად ჩნდება... იგივე პიოლიტიკურ პოზიციებზე ყუბანეიშვილი დღემდე რჩება

კოტე ყუბანეიშვილის თქმით, ის და მისი მეუღლე აპირებენ, რომ დაწვან საქართველოს პასპორტი და უკრაინის მოქალაქეობა მიიღონ. ამის შესახებ მან ტვ “პირველი”-ს ეთერში სტუმრობისას განაცხადა.

ყუბანეიშვილი აპირებს, რომ გაყიდოს ბინა და საცხოვრებლად ოდესაში გადავიდეს.

„მე და ჩემი მეუღლე ნანა მაჭავარიანი მივდივართ უკრაინის საკონსულოში, ვწვავთ საქართველოს მოქალაქის პასპორტს და ვხდები უკრაინელი... ვყიდი თბილისში ჩემს სახლს და მივდივარ ოდესაში, “ - ამბობს ყუბანეიშვილი.