აშშ-ს პენსილვანიის უნივერსიტეტის მკვლევარებმა შეიმუშავეს საღეჭი რეზინი, რომელსაც შეუძლია შეაფერხოს SARS-CoV-2 ვირუსის გადაცემა. ამის შესახებ CNBC იტყობინება. მცენარეული ცილებით დამატებული საღეჭი რეზინი აკავებს ვირუსს, ამცირებს ვირუსულ დატვირთვას ნერწყვში და პოტენციურად აფერხებს გადაცემას. „SARS-CoV-2 ვირუსი “ინახება" სანერწყვე ჯირკვლებში და ჩვენ ვიცით, რომ როდესაც ვინმე აცემინებს, ახველებსან ლაპარაკობს, ამ ვირუსის ნაწილი შეიძლება გადაეცეს სხვებს“, ამბობს პენსილვანიის უნივერსიტეტის მკვლევარი ჰენრი დანიელი. ვირუსის განეიტრალება ნერწყვში დაავადების გადაცემის წყაროს შესამცირებლად მარტივი გზაა“.
გამოგონების ლაბორატორიულ პირობებში შესამოწმებლად ჯგუფმა გააერთიანა მცენარეული ACE2 პროტეინი სხვა ნაერთთან, რომელიც საშუალებას აძლევს ცილას გადალახოს ლორწოვანის ბარიერები და მიღებული მასალა დაამატა დარიჩინის არომატიზებულ საღეჭ რეზინას.
კვლევითი ჯგუფი ამჟამად ეძებს დამტკიცებას კლინიკურ კვლევებზე, რათა შეაფასოს არის თუ არა ეს მიდგომა უსაფრთხო და ეფექტური SARS-CoV-2-ით ინფიცირებული ადამიანებისთვის.