თავდასხმა მოხდა მაშინ, როცა სიბოლდი სირაკუზის უნივერსიტეტის პირველკურსელი იყო. ამის შემდეგ მაშინვე გოგონა დაუკავშირდა კამპუსის დაცვის სამსახურს, ისაუბრა თავდასხმაზე და განცხადება დაწერა პოლიციაში. სიბოლდის აღწერით, შეადგინეს დამნაშავის ფოტორობოტი, მაგრამ პარადოქსი ის არის, რომ სტუდენტის მიერ აღწერილი პიროვნება არ ჰგავდა ნამდვილ თავდამსხმელს, წერს CNN.

ენტონი ბროდუოტერი დააკავეს ხუთი თვის შემდეგ მას შემდეგ, როდესაც სიბოლდი მას შემთხვევით გადაეყარა ქუჩაში. გოგონას ის თავდამსხმელს მიამგვანა, რის შემდეგაც პოლიციას მიაკითხა.

პოლიციის განყოფილებაში იდენტიფიკაციის დროს, ელის სიბოლდმა ამჯერად სხვა კაცს დაადო ხელი, ბროდუოტერი ვერც კი იცნო.

თავის მოგონებებში მწერალი თავს იმით იმართლებდა, რომ ენტონი და მის გვერდით მყოფი მამაკაცი ერთმანეთს ჰგავდნენ და რამდენიმე წუთის შემდეგ მიხვდა, რომ ცდებოდა. რა თქმა უნდა, სასამართლოში მომავალმა მწერალმა "შეცდომა გამოასწორა" და ბროდუოტერი მის მოძალადედ დაასახელა.

მან 16 წელზე მეტი გაატარა ციხეში და გათავისუფლების შემდეგაც კი, კაცი არ დანებდა: მან გადაწყვიტა თავისი შებღალული სახელი აღედგინა.

ბოლო სასამართლო სხდომა ამ კვირის დასაწყისში გაიმართა. ნიუ-იორკის შტატის უზენაესი სასამართლოს მოსამართლემ გორდონ კაფიმ გააუქმა 61 წლის ბროდუოტერის გაუპატიურების ბრალდება და მასთან დაკავშირებული სხვა საკითხები. რაიონულმა პროკურორმა აღიარა, რომ ენტონის საქმეში იყო საშინლად ხარვეზები.

სასამართლომ რიჩარდ აივაზიანი და მარიეტა ტერაბელიანი დამნაშავედ ცნო კორონავირუსისგან დახმარების ფონდიდან 20 მილიონ დოლარზე მეტი დატაცებისათვის. სომეხ ცოლ-ქმარს კალიფორნიიდან მიესაჯა სერიოზული პატიმრობა თანხების უკანონოდ მიღების, ფულის გათეთრებისა და საბანკო თაღლითობის ბრალდებით. ერთადერთ პრობლე...