საზოგადოება "სანდრას მაგალითზე ვხედავ, რომ ყველაზე დიდი შეცდომა იქნება" - რას ამბობს ედუარდ სააკაშვილი 2021, 24 ნოემბერი, 17:00 საქართველოს მესამე პრეზიდენტის, მიხეილ სააკაშვილის შვილი, ედუარდ სააკაშვილი "რადიო თავისუფლებისთვის" მიცემულ ვრცელ ინტერვიუში ამბობს, რომ თუ ის ოდესმე პოლიტიკაში წავა, ეს ძალიან დიდი შეცდომა იქნება. ექს - პრეზიდენტის ვაჟის თქმით, ის თავის დროზე პოლიტიკაში დედის, სანდრა რულოვსის ჩართვასაც ეწინააღმდეგებოდა, როდესაც მან "ენმ"-ის და 12 ოპოზიციური პარტიის მერობის კანდიდატად ზუგდიდში კენჭი იყარა.
"ყველაზე ნაკლებად ახლა მაქვს [პოლიტიკაში მოსვლის სურვილი]. რატომ არ მინდა? მე მგონი, პირველ რიგში უნდა გინდოდეს, ჰო? რატომ უნდა გინდოდეს? უარყოფითი ძალიან ბევრია, პიროვნული ასპექტი თუნდაც...
ჩემი აზრით, ძალიან დიდი შეცდომა იქნება ჩემგან, თუ მართლა ეს გავაკეთე როდესმე. ამის წინაპირობა არ არის, არც შემოთავაზება ყოფილა აქამდე, მაგრამ რომც... ეს იქნება ყველაზე დიდი შეცდომა, რაც შეიძლება დავუშვა, ამას სანდრას მაგალითზე ვხედავ, მე ძალიან წინააღმდეგი ვიყავი სანდრას პოლიტიკაშო ჩართვის, ძალიან, ვეუბნებოდი, არ გინდა, არ გინდა, არ არის საჭირო, არ გინდა" - ამბობს ედუარდ სააკაშვილი.
შეგახსენებთ, რომ აღნიშნული ინტერვიუ "რადიო თავისუფლებამ" საქართველოს ყოფილი პრეზიდენტის, მიხეილ სააკაშვილის ვაჟთან, ედუარდ სააკაშვილთან ნიდერლანდების ქალაქ უტრეხტში ჩაწერა, სადაც ის დღესდღეობით ცხოვრობს და სამაგისტრო ნაშრომზე მუშაობს. როგორც ცნობილია, ის ხელოვნურ ინტელექტს იკვლევს.
284 შეფასება არ არის |