36 წლის ფეხბურთელის, კრიშტიანუ რონალდუს და მისი 27 წლის შეყვარებულის, ჯორჯინა როდრიგესის ოჯახში ისევ მატებაა, წყვილი ამჯერად ტყუპებს ელოდება.
სასიხარულო ამბავი ფეხბურთელმა ფანებს ინსტაგრამზე გაუზიარა ფოტოსურათით, სადაც წყვილს ექოსკოპიის სურათი უჭირავს:

“მოხარული ვარ შეგატყობინოთ, რომ ტყუპებს ველოდებით, ჩვენი გულები სიყვარულითაა სავსე, ერთი სული გვაქვს როდის შეგხვდებით".

მედიის ცნობით, ჯორჯინა უკვე 12 კვირის ორსულია.

წყვილი უკვე 5 წელია რაც ერთადაა. ისინი 5 შვილს ზრდიან, 11 წლის კრიშტიანუ-უმცროსს, რომლის დედის ვინაობასაც ფეხბურთელი მალავს, 5 წლის ტყუპებს ევას და მატეოს, რომლებიც სუროგატი დედისგან ჰყავთ და 3 წლის გოგონას ალანას, რომელიც წყვილის პირველი ბიოლოგიური შვილია. ამბობენ, რომ ჯორჯინას ყველა შვილი ერთნაირად უყვარს და ზრუნავს მათზე.