სუმატორები სულაც არ არიან მოუხერხებელი მსუქანი კაცები, არამედ ძალიან სწრაფი, კრეატიული და მოაზროვნე სპორტსმენები. წარმოგიდგენთ საინტერესო ფაქტებს სპორტის ამ სახეობის შესახებ:
1. სუმო ძალიან დინამიურია. მოჭიდავეები სწრაფად უნდა ფიქრობდნენ: 10 წამში (ეს არის მატჩის სტანდარტული ხანგრძლივობა), მოჭიდავეს შეუძლია ტაქტიკის შეცვლა 2-3-ჯერ.
2. სუმო ძალიან საშიში სპორტია. საწყისი კონტაქტი არის შეჯახება ორ საშუალო 155 კგ-იან მოჭიდავეს შორის 50-60 კმ/სთ კომბინირებული სიჩქარით. დაზიანებების მხრივ ჯერ მუხლები მოდის, შემდეგ იდაყვები, ზურგი და კისერი, კოჭები და თითები.
3. სუმოისტები ემოციებს ვერ აჩვენებენ, თუკი მოედანზე ტკივილისგან სალანძღავი სიტყვა წამოსცდებათ, მათ მაშინვე გაუშვებენ ადგილიდან.
4. სუმო ნაწილობრივ რელიგიაა, ნაწილობრივ ეროვნული შოუ. სუმოისტი ვალდებულია გააუმჯობესოს იაპონელი ხალხის განწყობა. ამის ახსნა ძნელია, მაგრამ ეს იგრძნობა ყველა მებრძოლში, მათ ქცევაში, მათ სურვილში, მოიფიქრონ რაიმე საკუთარი არა მხოლოდ ჭიდაობაში, არამედ რიტუალშიც.
5. ისტორიები მაღალკალორიული საკვების შესახებ, რომელსაც სუმოისტი ჭარბად ჭამს, ლეგენდაა. მათი ძირითადი საკვები შეიცავს 100-150 კკალს, მაგრამ ისინი უბრალოდ ჭამენ დანაყრებამდე და ჭამის შემდეგ დაუყოვნებლივ იძინებენ. სუმოსთვის საჭირო წონის მომატება ადვილი არ არის, მას განსაკუთრებული ტიპის მეტაბოლიზმი სჭირდება.
6. სხვათა შორის, ვარჯიშზე შესვლისას მოჭიდავეები იძულებულნი არიან დაიკლონ ზედმეტი ცხიმი და მხოლოდ ამის შემდეგ მოიმატონ ე.წ. სამუშაო წონა- არის კუნთი პლუს ცხიმი. 
7. ცნობილი სუმატორის ბიცეფსი და ტრიცეფსი დაახლოებით ისეთივე მოცულობისაა, როგორც ჩვეულებრივი ადამიანის ფეხი.
8. გამარჯვებისთვის, თქვენ ან უნდა აიძულოთ თქვენი მოწინააღმდეგე დოჰას მიღმა გადავიდეს(დიამეტრი 4, 55 მ) ან აიძულოთ მას შეეხოს ზედაპირს სხეულის ნებისმიერი ნაწილით გარდა ფეხებისა. 
9. სუმოში ხელის დარტყმა ნებადართულია, ოღონდ მხოლოდ გაშლილი ხელისგულით, ნოკაუტები ასევე არც ისე იშვიათია.
10. მაკუუჩის უმაღლეს დივიზიონში 42 მოჭიდავეა. ყოველწლიური ექვსი ტურნირიდან თითოეულს აქვს 15 ტური, რაც ნიშნავს, რომ შეუძლებელია ყველასთან შეხვედრის მოწყობა. ამიტომ, ელიტა, პირველი 15 მოჭიდავე ხვდება ერთმანეთს და თუ ვინმე „ქვემოდან“ იწყებს ლიდერთა ჯგუფში შეჭრას, მას ელიტარულ მოჭიდავეებთან ერთად აერთიანებენ.
