18 ოქტომბერს, ფილმის “Eternals"-ის პრემიერაზე 46 წლის ანჯელინა ჯოლი თავის 5 შვილთან ერთად მივიდა. მსახიობის ჩაცმულობა ყოველთვის საუბრის თემა ხდება ინტერნეტში, რადგან კამერებთან ის საკმაოდ იშვიათად ჩნდება, ამიტომ, გამონაკლისი არც ეს პრემიერა გახდა. თავად ანჯელინამ Balmain-ის კაბა მოიხდინა. მისმა 16 წლის შვილმა ზახარამ კი დედის კაბა მოირგო, Elie Saab, რომელიც ქალს 2014 წელს ეცვა ოსკარის დაჯილდოებაზე.
მიუხედავად იმისა, რომ ანჯელინა იმ წელს თავის ყოფილ ქმართან, ბრედ პიტთან ერთად იყო დაჯილდოებაზე, კაბა შეინახა და როგორც აღმოჩნდა გამოიყენა კიდეც.

“ჩემს შვილებს გამოსდით ვინტაჟური სამოსის შერევა, ჩემი ძველი კაბის ჩათვლით ოსკარის ცერემონიიდან. სწორედ ვინტაზე გავამახვილეთ ყურადღება და ძველი ნივთები განვაახლეთ"- თქვა ანჯელინამ.