ჟურნლისტი, დათო ლიკლიკაძე, რომელიც დღესდღეობით გიდად მუშაობს სოციალურ ქსელში ერთი ქართველი ემიგრანტის შესახებ წერს, რომელიც 23 წლის წინ ამერიკაში საცხოვრებლად წავიდა და დღეს ლოს - ანჟელესის ცენტრში უკვე რამდენიმე წარმატებულ ბიზნესსაც ფლობს. ლიკლიკაძის თქმით, ის წლების შემდეგ საქართველოში ქუთისის დასათვალიერებლად დაბრუნდა და მშობლიურ ქალაქში მეგზურობისთვის ის გულუხვადაც დაასაჩუქრა: "ეს ეკაა, ლოს ანჟელესში მცხოვრები ქართველი. უკვე 23 წელია იქ ცხოვრობს და ცხადია ამერიკა ჩვეულებრივად მისი სამშობლო გახდა. ძირძველი თბილისელი, ზედ ზემელზე მცხოვრები (პირდაპირ მის ეზოშია რუსთაველის გამზირზე მდებარე მაკდონალდსი), 1998 წელს წავიდა საქართველოდან. წარმომიდგენია რა გზა აქვს გავლილი იმ დღიდან აქამდე. რა შესაძლებლობა მისცა მეორე ქვეყანამ? დღეს ის წარმატებული ბიზნესვუმენია. ლოს ანჟელესის ცენტრში ფლობს რამდენიმე ბიზნეს და საყვარელ დედასთან, ქმართან და შვილთან ერთად მთელი მსოფლიო აქვს მოვლილი. ამბობს რომ ვერსად ნახა უკეთესი ქვეყანა როგორიც საქართველოა. მაიას ტომებსა და მექსიკის პირამიდების დათვალიერებას, ალასკას კანიონებსა და ევროპის ქვეყნებს ისე შოკში არ ჩაუგდია, როგორც ეს ვანში, არქეოლოგიის მუზეუმში განიცადა... ჩვენ მღვიმეებში განიცადა... ქუთაისზე ხო საერთოდ გაგიჟებულია, პარიზს გავსო ამბობს. როდესაც ორ დღიანი ტური დავასრულეთ კონვერტი გადმომცა. რაღაცნაირად მივხვდი რომ ჩემი ჰონორარი იქნებოდა და დავიმორცხვე მადლობასთან ერთად, მაგრამ სრული შოკი სამსახურში დაბრუნებულს მელოდა. კონვერტში იმდენი ამერიკული დოლარი აღმოვაჩინე, (არ ვიცი რამდენი წელი უნდა ვიმუშაო გიდად რომ ამდენი ფული ვიშოვო), მაგრამ შეიცადეთ! ნაადრევ დასკვნებს ნუ გავაკეთებთ. შოკში ჩამაგდო წერილმა, რომელიც ორი თვით ადრე აქვს დაწერილი (9 ივლისი), სანამ საქართველოში ჩამოვიდოდა. „დათო ახლა 9 ივლისია. ჩვენ ერთი სული გვაქვს, როდის გაგვაცნობ შენს ქუთაისს. არ დაგიმალავთ ერთერთი მიზეზი რისთვისაც საქართველოში მოვდივართ „შენი ქუთაისის გაცნობაა“, შენ ისე აღწერ ხოლმე ტელეგადაცემებში ქუთაისს ჩვენც გვინდა, რომ მოგვიყვე და შეგვაყვარო. გვჯერა ბევრი კეთილად მოსაგონებელი დღეები გველოდება საქართველოში. იმედია ჩვენი გაელვება შენს ცხოვრებაში პოზიტიურ ღელვას გამოიწვევს. აბა შეხვედრამდე“ ამაზე კარგი საჩუქარი რა უნდა მიიღო, როცა წინასწარი სიყვარულის შეცნობით ათასობით კილომეტრს გამოივლიან შენი და შენი ქალაქის გასაცნობათ. ეკა დიდი მადლობა. შენ თავად ხარ დღესასწაული" - წერს დათო ლიკლიკაძე "ფეისბუქის" პირად გვერდზე.