ინგლისისა და უელსის მაცხოვრებლებისთვის სულ მალე ხელმისაწვდომი იქნება ძვირიანი, მაგრამ ძალიან ეფექტური პრეპარატი, რომელსაც ქოლესტერინის შემცირების უნარი აქვს. ამასთან, წამალს მიიღებენ ჯანდაცვის ეროვნული სამსახურის ხაზით – ანუ უფასოდ.

აღნიშნული სამსახურის გათვლით, თუ ახალ პრეპარატ ინკლიზირანს პაციენტს წელიწადში 2-ჯერ შეუყვანენ, ამით 30 ათას სიცოცხლეს გადაარჩენენ 10 წლის მანძილზე.

პრეპარატის ერთი დოზა 2000 ფუნტი (2750 დოლარი) ღირს, მაგრამ კომპანია Novartis, რომელიც წამალს უშვებს, დათანხმდა ფასდაკლებით მიწოდებაზე, რომლის რაოდენობას არ ასაჯაროვებენ.

ეროვნული ინსტიტუტის (NICE) რეკომენდაციაში, რომელიც კლინიკურ კვლევებს ეფუძნება, აღნიშნულია რომ ინკლიზირანი ამცირებს ცუდი ქოლესტერინის დონეს სისხლში, მაშინ როდესაც სხვა, გაცილებით იაფი წამლები, მაგალითად სტატინები, ან არ მოქმედებს ან არა საკმარისად ეფექტურად მუშაობს.

NICE, სერტიფიცირებული პრეპარატები ინგლისსა და უელსში, ისეთი ადამიანებისთვის იძლევა რეკომენდაციას, ვინც ინსულტი ან გულის შეტევა გადაიტანა, რომელთაც არ შველის ქოლესტერინის დამწევი სხვა წამლები. ექსპერტები იმედოვნებენ, რომ ეს მათ დაეხმარება შემდგომში სიცოცხლისთვის სახიფათო გულ-სისხლძარღვთა დაავადებების რისკის შემცირებაში.

თუმცა, ამ პრეპარატის ხანგრძლივი ეფექტურობის მტკიცებულება ჯერ არ არის. მედიკოსებს მიაჩნიათ, რომ მისი გამოყენება შეიძლება უკვე არსებულ მონაცემებზე დაყრდნობით.

შოტლანდიაში, სადაც წამლების სერტიფიცირების საკუთარი ინსტანცია აქვთ, აგვისტოში რეკომენდაცია გაუწიეს ინკლიზირანის განსაზღვრული რაოდენობით მოხმარებას.

NICE –ის რეკომენდაციაში მითითებულია, რომ ინკლიზირანის ნემსი უნდა გაკეთდეს მედდის მიერ, მაგალითად, საერთო პრაქტკის მქონე ექიმის კლინიკაში.