სტილი მეტ–ნაკლებად განსაზღვრავს ფერთა სქემის არჩევანს. ალბათ იცით, რომ თანამედროვე ინტერიერი ეფუძნება ნეიტრალურ ფერებს. რა თქმა უნდა, აივნის ფართიც გასათვალისწინებელია. პატარა აივნებისთვის ღია ფერთა პალიტრა სწორედ რომ შესაფერისია სივრცის ვიზუალურად გასაფართოვებლად.

მოსაპირკეთებელი მასალები

თანამედროვე აივნის იდეები გულისხმობს მრავალფეროვან მასალას. თუმცა, ბუნებრივი, ეკო-მეგობრული მასალა დიდი პოპულარულობით სარგებლობს. თუ აივანი ამოშენებული ან შემინული არ არის, შეარჩიეთ ისეთი მოსაპირკეთებელი მასალა, რომელიც სინესტეს, ყინვას და მაღალ ტემპერატურას უძლებს. ნუ დაივიწყებთ, რომ მხედველობაში უნდა მიიღოთ აივნის ტვირთამწეობა. უმჯობესია თუ არჩევანს შეაჩერებთ მსუბუქ მასალებზე. ყურადღება მიაქციეთ იატაკს. თუ კაბინეტის, ორანჟერიის ან მყუდრო ადგილის მოწყობას გეგმავთ წიგნის წასაკითხად, უნდა იფიქროთ თბილ იატაკზე. თუ აივანის გამოყენებას მხოლოდ კარგ ამინდში აპირებთ, შემოიფარგლეთ მაღალი ხარისხის გამძლე იატაკის მასალით.

შესაფერისი განათება

განათება კიდევ ერთი ელემენტია, რომელიც პატარა აივანს უფრო ფუნქციურს გახდის. რაც უფრო პატარაა აივანი, უფრო უკეთ უნდა იყოს ის განათებული. შეუმინავი ღია აივნისთვის უნდა შეარჩიოთ სანათები, რომელიც ღია სივრცისთვისაა გათვალისწინებული.

კომპაქტური და მულტი-ფუნქციური ავეჯი

როდესაც პატარა აივის მოწყობას დააპირებთ, მოიძიეთ ყველაზე კომპაქტური მოდელები. კარგი არჩევანია დასაკეცი, ტრანსფორმაციული, მულტი-ფუნქციური ავეჯი. მაგალითად, გრძელი სკამი სათავსოებით. კარგი ვარიანტია კედელში ჩაშენებული კარადები.

დეკორის აქსესუარების რაოდენობის შეზღუდვა

დეკორის ელემენტები და აქსესუარები – პატარა აივნის მოწყობა დიდად არ განსხვავდება სხვა საცხოვრებელი ზონების მოწყობისგან. მთავარი წესია – რაც უფრო პატარაა სივრცე, მით უფრო მცირე რაოდენობით უნდა იყოს წარმოდგენილი დეკორის ელემენტები.

ჩრდილი აივანზე

დამოკიდებულია აივნის მდებარეობაზე მზესთან მიმართებაში და აქაც არსებობს რამდენიმე ვარიანტი. მაგალითად, მზიან აივანზე, სადაც მცენარეების მოთავსებას აპირებთ, ჟალუზი ან ფარდა დაგჭირდებათ. სხვა შემთხვევაში იმის რისკია, რომ პირდაპირი მზის სხივები გაანადგურებს მცენარეებს და ყვავილებს.

გააფართოვეთ აივნის სივრცე ვიზუალურად

ვიზუალურად პატარა აივნის სივრცის გასაფართოებლად დიზაინერები რეკომენდაციას გვაძლევენ გამოვიყენოთ სარკეები, ზოლები, კაშკაშა აქცენტები, გამჭვირვალე ავეჯი, მინა, მეტალი, პრიალა ზედაპირები, ნახატები, ფოტოები და შპალერი ვიზუალური ეფექტით და ა.შ.