აღმოსავლეთ იემენის გვალვიან რეგიონში ბუნების საოცრება მდებარეობს, რომელსაც ბარჰოუტს უწოდებენ. გამოცანებითა და ფოლკლორით გარემოცული, ეს იდუმალი ჭა, როგორ ამბობენ, ღმერთისთვის დედამიწაზე ყველაზე საძულველი ადგილი გახდა.

ბარჰოუტს, რომელი იმავე სახელწოდების ველზე მდებარეობს, სიგანე 30 მეტრი აქვს, სიღრმე 100-დან 250 მეტრამდე. ეს მონაცემი მიახლოებითია, რადგან მის ფსკერამდე ჯერ არავის მიუღწევია, და თუ გავითვალისწინებთ ამ "ჭასთან" დაკავშირებულ სულისშემძვრელ ლეგენდებსა და ისტორიებს, საეჭვოა, რომ ადგილობრივებიდან ვინმემ სცადოს ეს. იემენელმა მეცნიერები და მკვლევარებიც კი ვერ ჩავიდნენ ფსკერზე, რამდენადაც ჟანგბადის დაბალი დონე, უჰაერობა და საშინელი სუნი იყო, რამაც აიძულა ისინი ისევ ზედაპირზე ამოსულიყვნენ. "ის ძალიან ღრმაა. ჩვენ ვერ მივაღწიეთ ფსკერამდე, რადგან ჟანგბადი თითქმის არ არის და არ არის ვენტილაცია", - განაცხადა სალაჰ ბაბჰაირმა, მაჰრას გეოლოგიური და მინერალური რესურსების სამსახურის გენერალურმა დირექტორმა. - "ჩვენ შევისწავლეთ ტერიტორია და ჩავედით ჭაში 50-60 მეტრის სიღრმეზე. იქ უცნაური რაღაცეები ხდებოდა. სუნი კი საშინელი იდგა."

ზოგიერთი ისტორიების მიხედვით, ე.წ. "ჯოჯოხეთის ჭა" შექმნეს როგორც საპყრობილე დემონებისთვის. სხვა ვერსიით, ეს დაწყევლილი კარიბჭეა, საიდანაც ერთხელაც გამოვლენ დემონები და ქვეყნიერების დასასრული დადგება. ზოგი ამბობს, რომ ჯინებმა ამოთხარეს ეს ღრმა ორმო ჰიმირიტების ერთ-ერთი მეფისთვის, რომელიც ამ რეგიონს მართავდა უძველეს დროში. ზოგიერთი არაცრუმორწმუნე ადამიანები კი ფიქრობენ, რომ იქ შეიძლება რაღაც სულიერი არსება ბინადრობდეს, რომელიღაც მტაცებელი, რომლის საკვების ნარჩენების ლპობის სუნიც დგას ირგვლივ.

მაგრამ ეს მხოლოდ ისტორიებია, და ერთი შეხედვით, ეს თითქოს ჩვეულებრივი ხვრელია, მაგრამ რა ხდება სუნთან დაკავშირებით? ვისაც ბარჰოუტთან მიახლოების გამბედაობა ეყო, ყველა გაუსაძლის სუნზე საუბრობს.

იემენელი ამარ ხაშემ ოსმანი წერს, რომ გადიოდა სავალდებულო სამხედრო სამსახურს ბარჰოუტის მახლობლად მდებარე ბანაკში და ის სუნი, რომელსაც ის გადააწყდა, ყველაზე საშინელი იყო მის ცხოვრებაში. "შორიახლოს ჩვეულებრივი ჭა იყო ამოთხრილი, რომელიც სამხედრო ობიექტის წყლით მომარაგებისთვის იყო გათვალისწინებული. მაგრამ როცა ტუმბო ჩართეს, წყლის ნაცვლად კუპრისმაგვარი შავი სითხე ამოიღეს, სუნი აუტანელი, ლაყე კვერცხის ჰქონდა", -წერს ოსმანი. იგი დარწმუნებულია, რომ ჭა დაკავშირებული იყო იმავე წყაროსთან, რომელთანაც ბარჰოუტი, მაგრამ სანამ შესაბამისი კვლევები არ ჩატარდება, დანამდვილებით ამის თქმა არ შეიძლება. თუმცა თუ გავითვალისწინებთ სამოქალაქო ომს, ადგილობრივი მოსახლეობის შიშებს, (რომლებიც ამ ადგილის ხსენებასაც კი ერიდებიან), მისი კარგად გამოკვლევის შესაძლებლობის არარსებობას, "ჯოჯოხეთის ჭა"ალბათ კიდევ რაღაც პერიოდის მანძილზე თავის მისტიურ აურას შეინარჩუნებს.

გაეცანით სხვა სტატიებსაც:

გიგანტური ხვრელი იაკუტიაში, ევროპა უფსკრულის პირას და სხვ.

რა მოხდებოდა, თუ დედამიწის ერთი ბოლოდან მეორე ბოლოში გაყვანილ გვირაბში გავივლიდით

იემენის (არაბეთი) დევნილები, რომლებიც მაღალ მთებში ცხოვრობენ და მძიმე შრომით გააქვთ თავი

განადგურებული ქალაქის ნაშთები (ანაბარის პლატო, ციმბირი)?

ცნობილ ალამუთის ციხეში (მე-9 ს.) უნიკალური საინჟინრო შედევრი აღმოაჩინეს

სხვადასხვა რელიგიების უცნაური ღვთაებები: საპირფარეშოების ღვთაება, ღვთაება რქებით და თხის წვერებით, მაიმუნისთავიანი ღვთაება და სხვ.

ლეგენდა ქრონოვიზორზე (დროის მანქანაზე), რომელიც ვატიკანში ინახება

ძველბერძნული ორაკული-ნეკრომანტიონი, სადაც წინასწარმეტყველებას გარდაცვლილი ნათესავებისგან იღებდნენ

რატომ მალავს ჩინეთი ინფორმაციას თეთრი პირამიდის შესახებ?