პროფილაქტიკა როგორ დავიცვათ თირკმელები სერიოზული დაავადებებისგან 2021, 23 ივნისი, 9:12
ხალხი, დასაშვებ ნორმაზე, 2–ჯერ მეტ ხორციან საკვებს იღებს — განსაკუთრებით კი, მეორად და მესამედ გადამუშავებულ პროდუქტებს. ეს არის ცილის მაღალი შემცველობის ძეხვი, შებოლილი ხორცი, ასევე, დიდი რაოდენობით ცხოველური ცხიმის შემცველი სხვა პროდუქტები (მაგ., ყველი, არაჟანი, ხაჭო, ტორტები, ნამცხვრები, ფენოვანი ცომით მომზადებული საკონდიტრო ნაწარმი). ასეთი საკვები ხელს უწყობს ათეროსკლეროზის განვითარებას და ზიანს აყენებს თირკმელებსაც. ცილა, ჩვენი ორგანიზმისთვის, ძალიან მნიშვნელოვანი ელემენტია, მაგრამ ნორმის დაცვა არის საჭირო. ითვლება, რომ 1 კგ. წონაზე, 1 გრ. ცილა სავსებით საკმარისია (მაგ., 100 გრ. მონადირის ძეხვი – 25, 3 გრ ცილას შეიცავს, იგივე რაოდენობის ღორის ხორცი – 14, 3 გრ., საქონლის ხორცი – 18, 6 გრ. და ა. შ.). ცილის გარდა, თირკმელებს საფრთხეს, ორგანიზმში მოხვედრილი, ჭარბი რაოდენობის მარილიც უქმნის. დღეს საკვები ხშირ შემთხვევაში, დიდი რაოდენობით მარილს შეიცავს. აქ საუბარი ისევ და ისევ გადამუშავებულ, მეორად პროდუქტებზეა. ხოლო იმისათვის, რომ მოხმარებული მარილის რაოდენობა შევამციროთ, მარტივი საკვები უნდა მიირთვათ — თევზი, ახალი ბოსტნეული, ხილი, მცენარეული ზეთი... მნიშვნელოვანია გვახსოვდეს, რომ თირკმლების ფუნქციონირება მამაკაცებისთვის და სუსტი სქესის წარმომადგენლებისთვის განსხვავებულია. ეს მარტივი ანატომიაა — ქალის სხეულის წონა, თითქმის ყოველთვის, მამაკაცის წონაზე ნაკლებია. შესაბამისად, ქალის ორგანიზმში მეტაბოლიზმის პროცესი უფრო ნაკლებად მიმდინარეობს და თირკმელებზე დატვირთვაც ნაკლებია. აქვე უნდა აღინიშნოს, რომ თირკმელების ჯანმრთელობის მდგომარეობის განსაზღვრა, ჯერ კიდევ მუცლად ყოფნის დროს ხდება — ფუნდამენტის ჩაყრაში კი, გენეტიკურ ფაქტორსაც უდიდესი მნიშვნელობა აქვს.
არხის სხვა სიახლეები:
|
კომენტარები არ არის, დაწერეთ პირველი კომენტარი |
  |
Intermedia.ge © 2011-2024 წელი
საავტორო უფლებები დაცულია
 |
