მოსკოვის რეგიონში მცხოვრებ 31 წლის დარია შაველკინას 17 წლით თავისუფლების აღკვეთა მიუსაჯეს მეგობრის შვილის განზრახ მკვლელობისთვის. განაჩენში ნათქვამია, რომ ქალმა მკვლელობა შურის გამო ჩაიდინა.

კოსმეტოლოგმა, რომელმაც მოსკოვის მაღლივი კორპუსის ფანჯრიდან გადააგდო მისი მეგობრის შვილი, მიესაჯა 17 წლით თავისუფლების აღკვეთა.

როგორც სასამართლომ გაარკვია, 31 წლის დარია შაველკინას, კოსმეტიკა Clarins– ის კონსულტანტს, დიდი ხანია შურდა თავის დაქალის- 30 წლის სამი შვილის დედასი, იაროსლავა კოროლევასი.

იაროსლავას მოსიყვარულე ქმარი და ბედნიერი ოჯახი ჰყავდა: სწორედ ამან გამოიწვია შაველკინას შური.

ორსული შაველკინა კოროლევას ეწვია, რათა ნახმარი ბავშვის ტანსაცმელი წაეღო, როდესაც იაროსლავა შებრუნებული იყო, დარიამ ხელში აიყვანა მისი ორი თვის ქალიშვილი და ფანჯრიდან გადააგდო.

სისხლის სამართლის გამოძიების თანახმად, ინციდენტის დროს დაქალებს შორის რაიმე კამათს ან ჩხუბს ადგილი არ ჰქონია.

თვითმხილველების ინფორმაციით, ინციდენტის შემდეგ, გაგიჟებული დედა მე -13 სართულიდან დაბლა ფეხით დაეშვა, მაგრამ ქალიშვილს ვერაფრით დაეხმარებოდა:ადგილზე ჩასულს ბავშვის უსიცოცხლო გვამი დახვდა.

ინციდენტის შემდეგ, იაროსლავას, რომელსაც კიდევ ორი ​​შვილი ჰყავს, ღრმა შოკში ჩავარდა, მას ექიმების დახმარება დასჭირდა.

შაველკინა უმალ დააკავეს ტრაგედიის შემდეგ. მან პოლიციას განუცხადა, რომ "ხმები მოესმა თავში", რომელმაც უბრძანა ბავშვის ფანჯრიდან გადაგდება. იგი აცხადებდა, რომ ფსიქიურად დაავადებულია. ამასთან, ფსიქიატრებმა, რომლებმაც მას სერბსკის სამედიცინო ცენტრში კვლევა ჩაუტარეს, განაცხადეს, რომ შაველკინამ ჯანმრთელია და შიზოფრენია გაითამაშა მკვლელობის პასუხისმგებლობის თავიდან ასაცილებლად.

სასამართლომ დაასკვნა, რომ ქალი შურით და ღვარძლით შეჰყურებდა დაქალის ბედნიერ ოჯახურ ცხოვრებას და როგორმე ეს იდილია, რომ დაერღვია, მოაფიქრდა ეს საშინელი მკვლელობა.

უკვე პატიმრობაში მყოფ შაველკინას ბავშვი შეეძინა. თუმცა სასჯელის შემსუბუქებაზე ამან არ იმოქმედა.

იგი დამნაშავედ ცნეს . სასამართლომ მოსკოვის რეგიონის 31 წლის მკვიდრს 17 წლით თავისუფლების აღკვეთა მიუსაჯა გამოსასწორებელ რეჟიმის კოლონიაში. გარდა ამისა, შაველკინას დაეკისრა გარდაცვლილი გოგონას მშობლებზე 5 მილიონი რუბლის გადახდა.