ამ სამყაროში საოცარი მოვლენები ხდება. თომას ბიტი გახლავთ მსოფლიოში პირველი მამაკაცი, რომელმაც არც მეტი, არც ნაკლები შვილი გააჩინა, მაგრამ არ იფიქროთ, რომ ეს რაღაც სასწაულია, სულაც არა, ყველაფერი გაცილებით იმაზე მარტივია, ვიდრე თქვენ წარმოგიდგენიათ.

თომასი გოგონად დაიბადა, მაგრამ მისივე თქმით, ბავშვობიდან ის თავს მამაკაცად გრძნობდა და ქალის სხეულში ბედნიერად ცხოვრება არ შეეძლო. სწორედ ამიტომ გადაწყვიტა მან სქესის შეცვლა. ყველაფერი თითქმის უკვე დასრულებლი იყო და თომასი სტეროიდების მიღების ბოლო კურს გადიოდა. მისი ცხოვრების იმ ეტაპზე მას გვერდზე უკვე საყვარელი ქალიც ჰყავდა, რომელთანაც ერთობლივი ცხოვრების დაწყება სურდა.

თუმცა, ცოტა ხნის შემდეგ გაირკვა, რომ მის მეუღლეს ნენსის შვილის ყოლა არ შეეძლო, და რადგან წყვილს სრულფასოვანი ოჯახი ძალიან სურდა, მათ საკმაოდ დიდ რისკზე მოუწიათ წასვლა. თომასმა სტეროიდების მიღება შეწყვიტა და 4 თვის შემდეგ მისი სხეული ბავშვის სატარებლად უკვე სრულიად მზად იყო. ეკოს პირველი პროცედურის შემდეგ, 2008 წელს, მათ ქალიშვილი შეეძინათ, 2009 და 2010 წლებში კი - ბიჭები.

2012 წელს ნენსიმ დალევა დაიწყო, ხოლო მას შემდეგ რაც მამამ ბავშვებზე მეურვეობა მიიღო მან ცოლი მიატოვა. ოჯახის დანგრევა თომას დიდხანს არ უგლოვია და 2014 წელს ამჯერად, მან ემბერზე იქორწინა, რომელმაც მას მეოთხე შვილი გაუჩინა.