განათლება "სისტემა არ გვასწავლის სიყვარულს და თანასწორობას" 2021, 19 მაისი, 3:28 ფემინისტური აზროვნების რაობა არც ისე მარტივი გასაგებია. ის არ შემოიფარგლება იმ ზედაპირული გაგებით რაც ჩვენ დღეს გვაქვს საქართველოში. ასე მაგალითად, თუკი ქალები დასაქმებულები არიან, თვითონ იღებენ გაგადწყვეტილებას როგორ ჩაიცვან, რა განათლება მიიღონ, მოწიონ თუ არა სიგარეტი, ატარონ ავტომობილი და სხვა, ეს ყველაფერი არ ნიშნავს, რომ მათ თანასწორობა მოპოვებული აქვთ. ყოფით მაგალითზე რომ მარტივად ავხსნათ: კაცი როცა სამუშაოდან ბრუნდება სახლში ისვენებს და მეტს აღარაფერს აკეთებს, რადგან "დაღლილია". მაგრამ როცა ქალი ბრუნდება - ასევე დაღლილი ის სახლის საქმეებსაც აკეთებს, ალაგებს, რეცხავს, ბავშვებს ხედავს თუ სხვა საოჯახო საქმეებს აკეთებს. ამიტომ, უფრო სიღრმისეულად თუ დავუკვირდებით კაცები კვლავ პრივილეგირებულ ჯგუფად რჩებიან, რადგან როგორც ახალგაზრდა აქტივისტი ამბობს სისტემა, რომელიც გვმართავს ადამიანებს, არ არის ორიენტირებული შექმნას თანასწორი გარემო. 
ანანო სურმავა არასამთავრობო ორგანიზაცია "იდენტობა" სათემო ოფიცერი - ანანო, ფემინიზმის კუთხით რა შეიცვალა საქართველოში და რა ეტაპზე ვართ ახლა? - ერთი შეხედვით შეიცალა ის, რომ დასავლეთი უფრო აქტიურად ჩაერთო ჩვენს დახმარებასა და განვითარებაში, როგორც განვითარებადი ქვეყანა, რომელიც ისწრაფვის დასავლეთისკენ და შემოიტანა თავისი პროგრესულობის იდეა, რომელსაც ვესწრაფვით, თუმცა მხოლოდ ფორმალურ საკანონმდებლო დონეზე და მეტი არაფერი ამას არ მოყვება ხოლმე, არ ხდება სისტემური ცვლილება, კვლავ ხელმიუწვდომელია ჯანდაცვა, განათლება და ეს განაპირობებს იმას, რომ მთლიანი საზოგადოება კვლავ დარჩენლია ამ პოლარულ მდგომარეობაში, სადაც ერთმანეთი ეზიზღებათ და ერთმანეთთან დაპირისპირება აქვს დარჩენილი საკუთარი თავის რეალიზებისთვის, იმიტომ რომ ადამიანებს საქართველოში არ აქვთ ღირსეული საცხოვრისი პირობები, არ აქვთ ღირსეული შრომის პირობები და არ აქვს ჯანდაცვაზე ხელმისაწვდომობა და ვერ აკეთებს იმას რაც უნდა და შესაბამისად არ რჩება ზრუნვისა და სიყვარულის დრო. რა უნდა გავაკეთოთ ჩვენ ამისთვის? მეტად ვკონცენტრირდეთ ადგილობრივ ავთენტურ გამოწვევებზე, კულტურულ თუ სოციალურ მიკუთვნებულობაზე, რაც ნიშნავს იმას, რომ რა საზოგადოებაშიც ვცხოვრობთ მივიღოთ ისეთი, როგორიც არის და კი არ გავემიჯნოთ და ბნელები ვეძახოთ, არამედ ვეცადოთ ერთად გარდავქმნათ ეს საზოგადოება. სოლიდარულები ვიყოთ ერთმანეთის მიმართ. მაგის მაგალითია დღეს ერთ-ერთი ყველაზე კრიტიკულად მნიშვნელოვანი ბრძოლის ველი რაც არის ჩვენს ქვეყანაში რიონის ხეობის მცველების გვერდით დგომა, როგორც ანტიკაპიტალისტური სისტემის წინააღმდეგ ბრძოლა. - რატომ არის ასე რთული თანასწორობის მიღწევა? - ჩვენი ქვეყანა ეკონომიკურად შეჭირვებულია, მას ეხმარება განვითარებული და პროგრესული დასავლეთი. ჩვენ არ გვაქვს ბაზისური უფლებებიც კი, არ არის დაცული შრომითი უფლებები. ადამიანები სამუშაოებზე კვდებიან პირდაპირ, დაბალი ანაზღაურება აქვთ ვერ ახერხებენ რჩენას, გვყავს ძალიან ბევრი ემიგრანტი ქალი. ადამიანები არიან სასოწარკვეთასა და ფრუსტრირებაში, სოციალური ქსელი ამ საზოგადოებრივი ერთობის მორღვეულია. ეს მდგომარეობა რომ შევცვალოთ ამისთვის გვჭირდება ძირეული ცვლილებები, პირველ რიგში კი განათლების სისტემის ხელმისაწვდომობაზე კონცენტრირება. - როგორია აღზრდის როლი თანასწორობის მოპოვებაში, როგორ უნდა აღვზარდოთ გოგო თუ ბიჭი ისე, რომ მათ იცოდნენ თანასწორობის არსი? - სანამ ბავშვის აღზრდამდე მივალთ, მანამდე უფრო დიდი პრობლემა არის ის თუ ამ ქვეყანაში როგორ არ უყვართ ბავშვები ზოგადად და როგორ არ არსებობს ადაპტირებული სივრცეები ბავშვებისთვის, არც ბაღები არც სკოლები, საერთოდ საგანმანათლებლო სივრცეები არ არის მორგებული ბავშვების საჭიროებებზე და მხოლოდ მკაცრ წესებზეა აგებული, სადაც განსაზღვრულია ყველაფერი. ქალებს არ აქვთ რეალური შესაძლებლობები შვილებს შეუქნან ისეთი გარემოებები, სადაც მათაც დარჩებათ იმის დრო, რომ იზრუნებენ მათ შვილებზე, არ იქნებიან აგრესიულები და არ ჩააბამენ ამ უხილავ ჯაჭვში, რომელსაც ვიღებთ მერე მოძალადე საზოგადოების სახით. საბოლოოდ კვლავ მივდივართ ეკონომიკურ სიდუხჭირემდე, რაც განაპირობებს მთელ ამ ნორმების გამყარებას, ეს იქნება კულტურული თუ სოციალური ჩაგვრა. 118 1-ს არ მოსწონს |
  |
Intermedia.ge © 2011-2024 წელი
საავტორო უფლებები დაცულია
 |
ადრე შეხედვის გამო კაცების დასჯას ითხოვდნენ ფემინისტები და ესეც კმარა აზრის შესაქმნელად ამ ხალხზე. როგორ შეიძლება კაცმა ქალს არ შეხედოს ან პირიქით. აი,მამათქვენს რო დედათქვენისთვის არ შეეხედა,თქვენ ვერ დაიბადებოდით. იმნაირად შეხედვის განმარტება ფატასტიკის სფეროა და ვერავინ იტყვის ვინ ვის რანაირად უყურებს. არაბეთში ქალები ჩადრებით დადიან და იქ არ უყურებენ ქალებს,მაგრამ ყველაზე ცუდი ქვეყანა ამ მხრივ. ძალიან რელიგიურ არაბულ ქვეყანაში მხოლოდ ქმარს აქვს ნახოს ქალის თვალების გარდა ყველაფერი და ეს გინდათ? მგონი ხმის უფლებაც არ აქვთ. სინამდვილეში,ქალი უამრავ დროს ხარჯავს კარგ გარეგნობაზე და სულ ფიქრობს კარგად გამოიყურებოდეს,თქვენი აზრით რატო? ლამაზ გოგოს რო დაინახავ და თვალი არ გაგეპარება კაცს,მაშინ ასეთი ქმარი ვის რა ჯანდაბად ენდომება :) მე ხო არ ვამბობ,რომ ღალატი სწორია და ნორმა უნდა იყოსთქო,მაგრამ ფიქრების და ყურების გამო ადამიანის დასჯა სისულელეა.
ჭურჭლის რა მოგახსენოთ,მარა ბავშვის მოვლა და პატრონობა ქალის მოვალეობაა,როგორც კაცის. აქ მეტი პასუხისმგებლობა ქალს ენიჭება,რადგან ბუნების კანონია ასეთი და ბავშვის კარგი მომავოსთვის დედასთან ურთიერთობას დიდი მნიშვნელი აქვს. თქვენ და ფემინისტები ცდილობთ,რომ ეს ბუნებრივი კანონზომიერება დაარღვიოთ და ამით გრანტი მოიპოვოთ. დიდი მნიშვნელობა აქვს თავისუფალ არჩევანს აქ და იმას თუ რას გადაწყვეტს კონკრეტული ქალი სხვადასხვა სიტუაციებში. თუ ქალს არ სურს ბავშვი და ვიღაც აძალებს ამას,მერე მის მოვლას ავალდებულებს,მაშინ ძალადობასთან გვაქვს საქმე. თუ ქალის არჩევანია,რომ ყავდეს შვილები,მაშინ მ
მე არ მითქვამს,რომ სახლის დალაგება პაზორია და მაინცადამაინც ქალმა უნდა გააკეთოს. მე ვთქვი,ფემინისტების მხრიდან ამაზე ხასგასმა არის უაზრობა და დიდი სისულელე. ყველა ოჯახი თავისებურია და მათ უნდა გადაწყვიტონ,რა და როგორ ხდება მათ ოჯახში. ოჯახში ურთიერთგაგებაზე და პატივისცემაზე უნდა იქნას აგებული და არა გამწარებული ქალების ან დაქნეული კაცების აზრებე,სურვილებზე. პირადად,სახლიც დამილაგებია,ჭურჭელიც დამირეცხავს და ბევრი ისეთი რაღაც გამიკეთებია,რასაც თქვენი თქმით ქალების ვალდებულებაა მარტო. ამიტომ იმის თქმა,რომ სტერეოტიპებით გაჟღენთილი აზროვნება მაქვს არის ტყუილი და არგუმენტების ნაკლებობა.
ერთხელ მკითხეს,ქალი საჭესთან რამდენად მისაღებია ჩემთვის. რაზეც ვუპასუხე,რომ არ მიფიქრია მაგაზეთქო და ერთი კი ვიცითქო,მანქანა უნდა ატაროს იმან,ვინც მართვა კარგად იცის. ქალებზე გკითხეთო და მოვუყვანე მაგალითი,თუ როგორ იწესრიგებდა ქალბატონი თავს შუქნიშანთან და ასეთმა არ უნდა მართოსთქო. თქვენი არ იყოს,მათაც მითხრეს რო ჩაკეტილი აზროვნება მაქვს :)
თავმოყვარეობა რომ ახსენე აქაა პრობლემა, ესაა შიში საზოგადოების დამოკიდებულების - რას იტყვის ხალხი, კაცი სახლს ალაგებს. რა გადავეკიდე ამ დალაგებს, უბრალოდ ამ კონკრეტულ მაგალითზე ვსაუბრობ.
"რაც შეეხება სახლის დალაგებას,თავმოყვარე ქალს არ უნდა სურდეს კაცის დალაგებულ სახლში ცხოვრება." - უკაცრავად და კაცებს არ გიტყდებათ მთელი ცხოვრება ქალები რომ გილაგებენ და გიწმენდენ, იქნებ თქვენ თავს ერთხელაც თვითონ მიხედოთ.
როცა ამბობ რომ არ გინახავს ჩაგრული ქალი შენს საახლობლოში, ესეიგი არ იცი რა არის ფემინიზმი და გამყარებული ნორმების გამო ვერ ამჩნევ ჩაგრულობას, თორემ ქალების ჩაგვრა მხოლოდ ქმარი ცოლს ცემს არაა, რაზეც ზევით ვისაუბრე "დალაგებაზე", სინამდვილეში ასეთი დეტალები ქმნის ქალების ჩაგრულ მდგომარეობას. ნუ მეტი ინფორმაცია, რომ გქონდეს მჯერა სხვაგვარი დამოკიდებულება გაგიჩნდებოდა თანასწორობაზე. აწი დააკვირდი ყველა შენს ახლობელ ქალს და დაუსვი კითხვა შენს თავს რატომ აკეთებს ამდენს, მისი ქმარი კი ამ დროს.... სულაც ბ....ში ერთობა.
♥