ინდოეთის ქალაქ სონპურში ქორწილი ჩაიშალა, რადგან იგი ყველასთვის მოულოდნელად ტრაგედიად იქცა.

მეორე დილთ ცერემონიის შემდეგ, პატარძალი როზი საჰუ მოულოდნელად.იმდენად ძლიერად ატირდა, რომ ვერავინ შეძლო მისი დამშვიდება.

ეს იყო მომენტი, როდესაც ტრადიციის თანახმად, გოგონა მშობლების სახლიდან მეუღლესთან უნდა წასულიყო საცხოვრებლად. მაგრამ იგი ტიროდა და ტიროდა იქამდე, სანამ გონება არ დაკარგა. შეშინებული ნათესავები სასწრაფოდ მისცვივდნენ გოგონას და ცდილობდნენ როზის გონზე მოყვანას, მაგრამ უშედეგოდ, წერს World Of Buzz.

გოგონა სასწრაფოდ საავადმყოფოში გადაიყვანეს, მაგრამ ექიმებმა ვეღარაფერი შეძლეს. მათ მხოლოდ პაციენტის გარდაცვალება დაადასტურეს. აღმოჩნდა, რომ როზი გულის შეტევით გარდაიცვალა.

გოგონას ცოტა ხნის წინ დიდი მწუხარება დაატყდა თავს: მამა რამდენიმე თვის წინ გარდაიცვალა, გოგონა კი გასაჭირში იყო. მას ბიძა და რამდენიმე სოციალური მუშაკი დაეხმარა ქორწილის ორგანიზებაში.