არსებობს ერთი ძალიან სევდიანი სურათი

თუმცა მასზე სამწუხარო არაფერია დახატული. ამ სურათზე 42 კატაა. ასე ამბობენ. შეგიძლიათ დათვალოთ: ვიღაც ხედავს 38 კატას, ვიღაც - 41-ს. ზოგადად, სასარგებლოა დათვლა. მშრალი რიცხვებისგან მიიღება ცხოვრების ნათელი და დრამატული სურათი, მაგრამ მას მხოლოდ ცოტა თუ ხედავს, თუმცა თვალწინაა ...
ამერიკელმა მილიონერმა ქეით ბერსელ ჯონსონმა მხატვარ კარლ კალერს შეუკვეთა დაეხატა მისი კატების პორტრეტები. კატა იმდენი იყო, რამდენიც სურათზეა, ქეითს ჰყავდა კატები, რომლებიც ძალიან უყვარდა. მას ბავშვები არ ჰყავდა, ქმარიც გარდაეცვალა.
მხატვარი კალერი ცხენებს ხატავდა. მის შესახებ ცნობილია, რომ გამოირჩეოდა მგზნებარე განწყობით. მას ადვილად შეეძლო ნახატის დაწვა, თუ კლიენტი უარს ეტყოდა ღირსეული თანხის გადახდაზე.

ასევე ცნობილია, რომ მხატვარმა სამი წლის განმავლობაში იცხოვრა ქეით ჯონსონის მამულში. ამ ხნის განმავლობაში ის მის კატებს სწავლობდა. "კარგად დავაკვირდი მათ და გამოვიკვლიე, თითოეული კატის ცალკეული პორტრეტები გავაკეთე. სამი წლის განმავლობაში ქვრივის მამულში ვცხოვრობდი კატებთან ერთად. შემდეგ უზარმაზარი სურათი დავხატე- 2X3 მეტრზე სურათი, წონით 103 კილოგრამი. ფული ავიღე და წამოვედი", -განაცხადა მხატვარმა.

ქეითი მალევე გარდაიცვალა. მან სთხოვა შორეულ ნათესავს, რომ კატებზე ეზრუნა და ამისთვის ხუთი ათასი დოლარი მისცა. მაშინ ეს დიდი თანხა იყო. დანარჩენი ქონება აუქციონზე გაიყიდა - მდიდარი მარტოხელა ქვრივის ქონება. მემკვიდრეობა არავისთვის დაუტოვებია, თუმცა ჭორები დადიოდა, რომ მან ყველაფერი კატებს დაუტოვა. ეს არ არის სიმართლე. ყველაფერი ქარმა წაიღო აუქციონის ჩაქუჩის ზმის ქვეშ ... მთელი მისი ცხოვრება გაქრა და გაიფანტა.
თუმცა იმის გამოცნობა შეიძლება, თუ რა მოხდა სინამდვილეში.

სამი წლის განმავლობაში ტემპერამენტიანი მხატვარი ქვრივის მამულში ცხოვრობდა. სამი წლის განმავლობაში სწავლობდა კატებს, კარგად, კარგად. შემდეგ კი მან სწრაფად დახატა უზარმაზარი სურათი და წავიდა. მხატვარი წავიდა და ქალი მალევე გარდაიცვალა. ქალი, რომელსაც, რა თქმა უნდა, უყვარდა კატები, მაგრამ არა გიჟური სიყვარულით. სურათზე ერთი ადამიანიც არ არის. ეს არის სურათი იმის შესახებ, თუ რამდენად მარტოხელაა ადამიანი თავის მდიდარ მამულში და რა უშედეგოდ ებრძვის მარტოობას ...
სურათს "ჩემი ცოლის დაქალები" დაარქვეს. თითქოს ქეითის ქმარს მოუვიდა ასეთი იდეა. თუმცა ქმარი სურათის დახატვამდე გარდაიცვალა და ქეითი დარჩა თავის შინაურ ცხოველებთან ერთად. და მხატვართან ერთად. ვინც სახლში სამი წელი ცხოვრობდა და შემდეგ წავიდა. ამდენი "ჩემი ცოლის დაქალი" - ორმოცდაორი კატა ერთად უზარმაზარ ნახატზე. და არცერთი ადამიანი გარშემო. ალბათ, ეს არის სურათი მარტოობისა და უკანასკნელი სიყვარულის აუხდენელ იმედზე.