მას სიცოცხლეში მუდამ აწუხებდა იმაზე ფიქრი, რომ შეიძლებოდა ცოცხლად დაესაფლავებინათ. არის ადამიანებში რაღაც მისტკური წინათგრძნობა.

მართლაც, ცნობილი რუსი მწერალი ნიკოლოზ გოგოლი ლეთარგიული ძილის მდგომარეობაში დაასაფლავეს. რამდენიმე წლის შემდეგ ცოლს დაესიზმრა, რომ ნიკოლოზი სთხოვდა საფლავი გაეთხარათ, რადგან იხრჩობოდა უჰაერობით.

ცოლმა დაჟინებით მოითხოვა საფლავის ამოთხრა და როცა კუბოს თავი ახადეს, ნიკოლოზ გოგოლი კუბოში გვერდულად მწოლი ნახეს.

ექიმებისგან არაერთხელ დადასტურებულა ფაქტი, რომ კლინიკის მორგში გადაყვანილ "გვამს" გაუღვიძია.

ყველაზე ხშირად ეს ნარკომანებს მოსვლიათ, როცა სუნთქვის ცენტრის დათრგუნვის კლინიკური სურათია სახეზე და ადამიანს სიცოცხლის აღარანაირი ნიშანწყალი აღარ ეტყობა.

ძველად არსებობდა ასეთი ტესტი. გარდაცვლილ ადამიანს ცხვირთან მიუტანდნენ სარკეს და თუ სარკე დაიორთქლებოდა, ნიშნავდა, რომ იგი ჯერ კიდევ ცოცხალი იყო, მიუხედავად იმისა, რომ აღარც პულსი ესინჯებოდა და აღარც შესამჩნევად სუნთქავდა.

თუმცა მოგვიანებით, სამედიცინო ტექნოლოგიების განვითარებამ ეს ტესტი გამოყენებიდან არქივში გადაისროლა, თუმცა არც ტექნოლოგიებია ბოლომდე სარწმუნო, იქედან გამომდინარე, რომ მორგში გადაყვანილ "მიცვალებულებს" მსოფლიოს არაერთ კლინიკაში "გაუღვიძნიათ"