მეცნიერები შიშს შესანიშნავ ინსტრუმენტად თვლიან, რომ ადამიანმა თავისი ხასიათის უპირატესობა რეალურად შეიგრძნოს. შიში მოკავშირე უნდა იყოს, მაშინ ეს გრძნობა ყველაზე ექსტრემალურ სიტუაციებში კონცენტრირებაში, მობილიზებასა და სწორი გადაწყვეტილების მიღებაში დაგეხმარებათ.

საზღვრის შეგრძნება

შიში საზღვრების დადგენას გვაიძულებს, რომლის ფარგლებს გარეთ ყოფნა საშიშია. ზოგჯერ ეს არა მხოლოდ ჯანმრთელობას, არამედ სიცოცხლეს საფრთხეს უქმნის. სწორედ ამიტომ, იმის შიში, რასთან შეხებაც არ შეიძლება, ნამდვილად სასარგებლოა.

პირადი აღიარება და შეცნობა

შიშთან შეჯახებისას საკუთარ თავს უკეთ გაუგებთ. ეს ნიშნავს, რომ უფრო მეტს ისწავლით, გამოცდილებას მიიღებთ და ეცდებით გააკეთოთ ის, რაც ადრე მიუღწეველი გეჩვენებოდათ.

კონცენტრაცია

შიში საშუალებას გვაძლევს ამა თუ იმ სიტუაციის საფრთხე რეალურად შევაფასოთ. იმ შემთხვევაში, როცა ფიქრის დრო არაა და მოქმედებაა საჭირო, სწრაფად კონცენტრირებას და ერთადერთი სწორი გადაწყვეტილების მიღებას შეძლებთ.

დაგეგმვა

თუ რაიმესი გეშინიათ, დრო გამოყავით, რომ ამ სიტუაციისთვის მოემზადოთ. ასე დაგეგმვას, მიზანდასახულობას და პროგნოზირებას ისწავლით.

დაბრკოლებების გადალახვა

თვითგადარჩენის შიში დაბრკოლებების გადალახვას გასწავლით. შიშის წყაროს დაძლევას ყოველთვის ვერ ვახერხებთ, ამიტომ სირთულეების მიზანმიმართული მოგვარების გარდა არაფერი გვრჩება.

ახალი შესაძლებლობების და რესურსების აღმოჩენა

ზოგიერთ ადამიანს საკუთარი ძალების ობიექტურად შეფასება არ შეუძლია, რადგან რაღაც ზედმეტის გაკეთების ეშინია. თუ შიშის წყაროს გაუგებთ და საკუთარ თავზე იმუშავებთ, ცხოვრებაში უფრო მეტ წარმატებას მიაღწევთ. სწორედ ამიტომ, შიშს „სახეში“ ჩახედეთ, თქვენი მოკავშირე გახადეთ, სიტუაცია შეაფასეთ და საკუთარ თავს გვერდიდან რჩევა მიეცით. ასე შიშთან „დამეგობრებას“ და ბევრი სარგებლის მიღებას შეძლებთ.

ასევე დაგაინტერესებთ:

პარიზის ზოოპარკში ახალი ცხოველი ჰყავთ: „წვეთი“, რომელიც ინტელექტით გამოირჩევა

ნეგატივი გადამდებია: შემოიკრიბეთ ხალხი, რომლიდანაც მაქსიმუმ სარგებელს მიიღებთ

მეცნიერების კვლევა: სუნები და მუსიკა დემენციის რისკს ამცირებენ

იაპონელმა მეცნიერებმა გაარკვიეს, რომ კვირაში ერთხელ ტირილი ძალიან სასარგებლოა

შეწყვიტეთ იმ ადამიანთან ურთიერთობა, ვისაც არ უყვარხართ