"ჩინგ ჩონგ თვალები!" დაწყებითი კლასების ბავშვები ასე უწოდებდნენ სოფო ვანგს. ეს იყო ბოროტული რასისტული შემთხვევა, რადგან ისინი დასცინოდნენ მის აზიურ ეთნიკურობას თვალების კუთხეში მოქაჩვით. თუკი იაპონელებს დასცინოდნენ თვალებს მაღლა გაქაჩავდნენ, თუკი - ჩინელებს - გვერდზე, კორეელების შემთხვევაში კი - ქვვემოთ.

ტენდენციებზე მნიშვნელოვან გავლენას ახდენს სოციალური მედია, რომლის დახმარებითაც ვირუსულად და ელვისებური სისწრაფით ვრცელდება ის, რაც ამ დღეებში მიიჩნევა მიმზიდველად, და, სავარაუდოდ, შეიძლება ისეთივე სწრაფად გახდეს დამანგრეველი ადამიანის თვითშეფასებისთვის

ინსტაგრამზე, ტიკ-ტოკზე, იუთუბიზე მთელი მსოფლიო მასშტაბით ქვეყნდება ათასობით ფოტო და ვიდეო, სადაც მოცემულია მელა თვალების მაკიაჟი, ან მისი გაკეთების ტექნიკა და იყენებენ ისეთ ხერხებს, როგორც ბელა ჰადიდი, კენდალ ჯენერი და მეგან ფოქსი.

მაგალითად Tiktok– ზე ჰეშთეგს #foxeye 72, 8 მილიონი ნახვა აქვს, ხოლო ინსტაგრამზე #foxeyes 70 000 – ზე მეტი პოსტია გამოქვეყნებული - პირდაპირ, რომ ვთქვათ ეს აზიელებისთვის 72 მილიონი და 72 ათასი შეხსენებაა იმისა, რომ მათ აქვთ თვალები, რომელზეც სხვა ადამიანები დასცინიან. ამიტომ ეს ტენდენცია არც ისე სასიამოვნოა მათთვის.

ეს ჟესტი აზიელებისთვის იგივენაირი შეურაცხყოფაა, როგორც იტალიელებისთვის კარტოფილისმჭამელის დაძახება, ან შავკანიანი ამერიკელისთვის ზანგის, ან მონის თქმა.

აზიელები ასწლეულების განმავლობაში განიცდიდნენ დისკრიმინაციას და დაცინვას თავიანთი თვალების გამო, დღეს კი ეს გარეგნული მახასიათებელი მოულოდნელად გარდაიქმნა არააზიური ადამიანების სილამაზის ტენდენციად, რასაც კრიტიკოსები აფასებენ, როგორც კულტურული მითვისების აქტს.

კანზას უნივერსიტეტის სოციოლოგიის პროფესორი კელი ჩონგი განმარტავს კულტურულ მითვისებას, როგორც ხშირად ერთი ჯგუფის იდეების, პრაქტიკის, წეს-ჩვეულებების და კულტურული იდენტობის ნიშნის მიღებას სხვა ჯგუფის წევრების მიერ, რომელთაც უფრო მეტი პრივილეგია აქვთ, ან ძალა.
”დომინანტური ჯგუფის კულტურული გავლენა მას ლეგიტიმაციას უკეთებს, როგორც მაგარი, სტილის” ტენდენციას ”და ამ პროცესში ეს თვისება ეგზოტიკური და ეროტიზებულია. ტერმინი "ნუშის თვალები", რომელიც გამოიყენება მელა თვალების ფორმის აღსაწერად, დიდი ხანია გამოიყენება აზიური თვალების ფორმის აღსაწერად". - ამბობს ჩონგი.

შეიძლება მაკიაჟში ასეთი "fox eye" სტილის გამოყენებას არ ჰქონდეს ბოროტული ზრახვა, მაგრამ ის ითვისებს აზიელების მახასიათებელ თვისებას და თავისთავად იგნორირებს უკეთებს მათ წარსულ დამცირებას.

ამერიკელმა ვიზაჟისტმა მარკ რეიგანმა თქვა, რომ როდესაც პირველად შენიშნა მელა თვალის ტენდენცია, არ ეგონა, პრობლემატური თუ იყო ეს. მან უბრალოდ ჩათვალა, როგორც მაკიაჟის ტექნიკა, თვალების გასაზრდელად და ნუშის ფორმის მისაღებად.
"ეს შეურაცხმყოფელი გახდა, როდესაც ხალხმა ფოტოებში თუ ვიდეობში ხელებით თვალების უკან გაჭიმვის ჟესტის დამატება დაიწყო". - ამბოს ის.

კენდალ ჯენერის ეს ჟესტი აზიელებისთვის დამამცირებელია

ბელა ჰადიდი

მეგან ფოქსი