ეს უბრალო ფოტო არ გეგონოთ! ეს არის ის წერტილი, რომელზეც ცხოვრობთ, პატივცემულებო, და, რომელზეც უამრავ საზღვარს ავლებთ ქვეყნებს შორის, ქალაქებს შორის და რაც შეიძლება მაღალ ღობეებს მეცეცხლურ მეზობლებთან (ჩიტი არ გადაგიფრინდეთ). თურმე იმ ადამიანებს, რომლებმაც კოსმოსიდან ერთხელ მაინც გადმოხედეს დედამიწას, ცნობიერება ეცვლებათ. წარმოსახვის ფართოუნარიანებს კოსმოსში ფიზიკური გაჭრის გარეშეც შეგიძლიათ ამ წერტილის დანახვა . დახუჭეთ თვალები და სცადეთ.. გასცდით ჩვენს მზის სისტემას, მერე ჩვენს ირმის ნახტომად რაცხულ გალაქტიკას, გადმოხედეთ უსასრულობას შინაგანი თვალებით, იგრძენით თვითონ ეს უსასრულობა.... იგრძენით!

და

უცებ გაახილეთ თვალები. ამის შემდეგ აყირავებამდე სასაცილო გახდება უსუსური არსებების - ადამიანების ძიძგილაობის ყურება, მათ შორის, პოლიტიკოსების

თუ წარმოსახვის უნარში გარღვევა გაქვთ, გააგრძელეთ ძიძგილაობა!