თოვლის მაიმუნების პარკი (ჯიგოკუდანი იაენ კოენი) მდებარეობს იაპონიაში, ნაგანოს პრეფექტურაში (მხარეში). იგი განსაკუთრებული სახეობის მაიმუნების სახლია.

თოვლის მაიმუნების პარკი დაარსდა 1964 წელს, როგორც დაცული ტერიტორია. აქ შეგიძლიათ, თქვენ დაათვალიეროთ ველური მაიმუნები, მათი ყოველდღიურობა, მათ შორის უნიკალური ქცევის - ცხელ წყაროებში, გეიზერებში ბანაობის ჩათვლით

თოვლის მაიმუნების პარკი ცნობილი გახდა 1970 წელს, როცა ჟურნალმა "ლაიფი" თავის გარეკანზე გამოაქვეყნა მობანავე თოვლის მაიმუნების ფოტო. დღემდე აქ უხვად მოდიან დამსვენებლები, რათა სასიამოვნო დრო გაატარონ ჯიგოკუდანის ცნობილ თოვლის მაიმუნებთან.

თოვლის მაიმუნების ბანაობის სცენა განსაკუთრებით შთამბეჭდავი სანახაობაა ზამთარში. თოვლის მაიმუნებს უყვართ, როცა ზამთრის ძლიერი და ცივი თოვლით დაფარვა.

ესაა 4 განსხვავებული სეზონისათვის მეტად საინტერესო ადგილი, არ არსებობს ცუდი დრო მის დასათვალიერებლად. გაზაფხული ახალშობილების დროა, ზაფხული - აყვავებისა და სიმწვანის, შემოდგომა - მდიდარი პეიზაჟის, წითელი, ქარვისფერი და ოქროსფერი ფოთლების მონაცვლეობით შექმნილი მოზაიკის, ზამთარი - თოვლით.