ქალი და მამაკაცი 22 წლის ბიჭმა მოკლა შეყვარებული,მისი მშობლები და შემდეგ თავი მოიკლა 2021, 10 იანვარი, 11:11  საშინელი ტრაგედია დატრიალდა ყაზანში(თათრეთის რესპუბლიკა)22 წლის "რომეომ" მოკლა შეყვარებული, მისი მშობლები და შემდეგ თავი მოიკლა. ყაზანში, ჩუიკოვის ქუჩაზე მდებარე საცხოვრებელ კორპუსში, 22 წლის მამაკაცმა სამი ადამიანი მოკლა და თავი მოიკლა. ამის შესახებ თათრეთის რესპუბლიკის საგამოძიებო დეპარტამენტი იუწყება. წინასწარი მონაცემებით, მეზობლებმა პოლიცია გამოიძახეს, რა დროსაც სამართალდამცევებმა მე-4 სართულზე მდებარე ბინის შესასვლელში 59 წლის ქალის ცხედარი აღმოაჩინეს. ბინაში შესვლის შემდეგ 62 წლის ქმრისა და მათი 18 წლის ქალიშვილის ცხედრები იპოვნეს. ისინი გულმკერდის და მუცლის არეში მრავლობითი ჭრილობის შედეგად გარდაიცვალნენ ”წინასწარი ვერსიით, მკვლელობის მიზეზი იყო ის, რომ მშობლები გოგონას უკრძალავდნენ ახალგაზრდა მამაკაცთან შეხვედრას, ამის გამო ახალგაზრდა მამაკაცმა დახოცა ყველანი, რის შემდეგაც მან თავი მოიკლა, - აღნიშნულია განცხადებაში. 
ადგილობრივი გაზეთი KazanFirst წერს, რომ მკვლელობის დღეს, ახალგაზრდა მამაკაცი, სახელად რუსტამი ესტუმრა თავის შეყვარებულს-კამილას იმ დროს, როდესაც მისი მშობლები სახლში იყვნენ. რაღაც მომენტში მოხდა ჩხუბი ოჯახის წევრებსა და სტუმარს შორის, დანით შეიარაღებული ბიჭი თავს დაესხა შეყვარებულის მშობლებს და შეყვარებულს. სამივე ცდილობდა სადარბაზოსკენ გაქცევას, მაგრამ ახალგაზრდა მამაკაცმა მაინც მოახერხა თითოეულისთვის სერიოზული დაზიანებების მიყენება, რომელიც სასიკვდილო აღმოჩნდა. ამავე დროს, გამოცემის წყარო ირწმუნება, რომ სავარაუდოდ მკვლელის სუიციდი წარუმატებელი აღმოჩნდა და გადარჩა.
კამილას 30 იანვარს 19 წელი შეუსრულდებოდა, გოგონამ 2020 წელს დაამთავრა სკოლა და იმავე წელს ჩაირიცხა ყაზანის უნივერსიტეტში ფსიქოლოგიის და პედაგოგიკის ფაკულტეტზე, მისი ბოლო ფოტო 2 იანვარს არის გადაღებული საახალწლო ნაძვის ხესთან.
|
კომენტარები არ არის, დაწერეთ პირველი კომენტარი |
  |
Intermedia.ge © 2011-2024 წელი
საავტორო უფლებები დაცულია
 |
