იაკუძას განგსტერები: იაპონური მაფიის შემზარავი ტრადიციები
2020, 27 დეკემბერი, 19:14
ირეზუმი - იაპონური ტრადიციული ტატუირების ერთ - ერთი ფორმა გახლავთ, რომელიც მე -17 საუკუნის დასაწყისში კრიმინალურ გარემოში (კერძოდ იაკუძას დაჯგუფებში) გაჩნდა. იმ პერიოდში ხელისუფლება კრიმინალებს სწორედ ასეთი ფორმით "ნიშნავდა". პატიმართა სხეულის მოხატვით სამართალდამცველები მათ ართმევდნენ შესაძლებლობას დაბრუნებოდნენ ნორმალური ცხოვრების რიტმს. ტატუს კულტურამ იაკუძაში (ტრანსნაციონალური დანაშაულებრივი ორგანიზაცია და მაფიური სინდიკატი იაპონიაში. იაკუძა - ცნობილია თავისი მკაცრი დანაშაულებრივი კანონებითა და ბუნებით. მის წევრებს იაპონურ საზოგადოებაზე დიდი გავლენა აქვთ, მსოფლიოს მასშტაბით მათი საერთო რაოდენობა 100 000 კაცზე მეტს შედგენს) ფესვები ღრმად გაიდგა. როგორც წესი, იაპონიის უმსხვილესი დანაშაულებრივი დაჯგუფების თითქმის ყველა წარმომადგენელს ტატუირებული მთელი სხეული ჰქონდა. ეს ტრადიცია შენარჩუნებული რამდენიმე საუკუნის განმავლობაში იყო და მხოლოდ ახლა, ამ მაფიოზური კლანის წევრები მთელი სხეულის მოხატვაზე კატეგორიულ უარს მხოლოდ იმიტომ ამბობენ, რომ საზოგადოებისგან გარიყული არ აღმოჩნდნენ.
