პატიოსანი და ცხოველმყოფელი ჯვრის ამაღლების საპატივცემულოდ პეტერბურგის პრიმორსკის რაიონში ტაძარი გაიხსნა.

მრევლს შესასვლელში ბარელიეფი ხვდება, რომელზეც მოქანდაკემ ბიზნესმენი ვიაჩესლავ ზარენკოვი და მისი ოჯახი გამოძერწა, წერს Fontanka.

ტაძარი მიტროპოლიტმა ვარსონოფიმ აკურთხა, ხოლო წირვაში მონაწილეობა მიიღო რეგიონალური პარლამენტის სპიკერმა (ლენინგრადის ოლქის საკანონმდებლო საკრებულო) ვიაჩესლავ მაკაროვმა.

გასულ წელს ზარენკოვმა სხვა ტაძარი ააგო, რომელშიც მხოლოდ ფრესკა გააკეთა კედელზე. მასზე თვითონ არის გამოსახული ოჯხთან და პატარა შვილიშვილთან ერთად.

კომპოზიციის ცენტრში - ბიზნესმენი ტაძარს გადასცემს ადგილობრივ საეკლესიო იერარქს.

ამ შემთხვევაში კი- გამოსახულებები ქვაშია გამოკვეთილი, შვილიშვილი გაიზარდა, ხოლო თავად ტაძარი მილიარდერმა გადაწყვიტა შუამავლების გარეშე, პირადად ... იესო ქრისტესთვის გადაეცა!

ბიზნესმენი, სამშენებლო საქმის გარდა, ცნობილია როგორც ქველმოქმედი. ის ეხმარება პეტერბურგელ მხატვრებს, მწერლებს და მუსიკოსებს. თავადაც, თავისუფალ დროს, ლიტერატურულ მოღვაწეობას ეწევა.

იხილეთ ასევე: