რეჟისორი სტენლი კუბრიკი ამერიკული კინოს ერთ-ერთ ყველაზე თვალსაჩინო წარმომადგენლად ითვლება, რომლის ფილმებმაც მსოფლიო კინემატოგრაფზე უდიდესი გავლენა იქონიეს, მისმა შემოქმედებამ კი - უამრავ ადამიანზე წარუშლელი კვალი დატოვა, მაგრამ ცოტამ თუ იცის, რომ სანამ კუბრიკი რეჟისორი გახდებოდა ის ფოტოგრაფიით სერიოზულად იყო გატაცებული. ჯერ კიდევ მოზარდმა საკუთარ თავში ფოტოგრაფის ნიჭი 17 წლის ასაკში აღმოაჩინა. ახალგაზრდა სტენლის ნამუშევრები განსაკუთრებული დრამატულობითა და იდუმალებით გამოირჩევა.