პანდემიის გამოცხადებიდან 1 თვეში მხოლოდ ჯეფ ბეზოსის ქონება დაახლოებით 25 მილიარდი დოლარით გაიზარდა. ბეზოსმა განქორწინებისას ყოფილ ცოლს 36 მილიარდი დოლარი გადასცა, რაც მან თვენახევარზე ნაკლებ დროში აინაზღაურა.

ფაქტი 2: მსოფლიოს მასშტაბით 2017 წლიდან დღემდე მილიარდერები 18 %-ით გამდიდრდნენ.

“ვიკიპედიას” თანახმად მსოფლიოში ამჟამად 2208 მილიარდერია. მათი საერთო ქონება 9, 1 ტრილიონ დოლარს აჭარბებს.

ფაქტი 3: დონალდ ტრამპის გაპრეზიდენტებიდან დღემდე ამერიკელი მილიარდერები 20 %-ით გამდიდრდნენ.

მილიარდერების გამდიდრება ტრამპის საგადასახადო რეფორმამ დააჩქარა. რეფორმა დიდად წაადგა თავად ტრამპის ბიზნესებს. სწორედ ეს იყო კიდეც მისი პრეზიდენტობის უმთავრესი მიზანი: კერძო ბიზნესინტერესები და საკუთარი სამეწარმეო საქმიანობისთვის სასათბურე პირობების შექმნა.

ფაქტი 4: 1990-2020 წლებში ამერიკელი მილიარდერების ქონება უპრეცედენტო 1130 %-ით გაიზარდა.

ფაქტი 5: 400 უმდიდრესი ამერიკელი იმდენივე ქონებას ფლობს, რამდენსაც ამერიკის მთელი მოსახლეობის ყველაზე შეჭირვებულ 64 %-ზე მეტი. 400 უმდიდრესი ამერიკელი მილიარდერი შეერთებული შტატების ქონების 35 %-ს ფლობს. აქედან 3 უმდიდრესი ამერიკელი იმაზე მეტ ქონებას ფლობს, ვიდრე 160 მილიონი უღარიბესი ამერიკელი.

მაგრამ ყველაზე დამაფიქრებელი რაც არის, მსოფლიოში უფსკრული მდიდრებსა და ღარიბებს შორის სულ უფრო იზრდება და ამას დასასრული არ უჩანს.