შეერთებულ შტატებთან სამხედრო კონფლიქტში შესვლის შემთხვევაში, რუსეთს შეუძლია ამერიკა დატბოროს პოსეიდონის აპარატით, რაც გამოიწვევს ფართომასშტაბიან რადიოაქტიურ ცუნამებს, თქვა აშშ-ს სახელმწიფო მდივნის თანაშემწემ საერთაშორისო უსაფრთხოების და გაუვრცელებლობის საკითხებში კრისტოფერ ფორდმა. მან გამოთქვა შეშფოთება რუს პოლიტიკოსებთან დაკავშირებით ბირთვული შეკავების საკითხში, ნათქვამია ამერიკის სახელმწიფო დეპარტამენტის ვებგვერდზე.

ფორდმა აღნიშნა, რომ რუსეთმა ადრე გამოაცხადა ბირთვული დარტყმის შესაძლებლობის შესახებ ბალისტიკური რაკეტების მოახლოების საპასუხოდ.

ფორდს მიაჩნია, რომ რუსეთი თავის ღრმა წყლების პოსეიდონის აპარატებს აღჭურვავს მრავალ მეგატონიანი ბირთვული ქობინით, რომელთა დარტყმის შემთხვევა გამოიწვევს გიგანტურ ტალღებს და დატბორვას აშშ-ს სანაპირო ხაზს.

გარდა ამისა, ვაშინგტონი წუხს, რომ რუსეთს შეუძლია განაგრძოს ბირთვული პერიმეტრის მოქმედების სისტემის გამოყენება, რომელიც დასავლეთში ცნობილია როგორც "მკვდარი ხელი".

შეგახსენებთ, რომ პოსეიდონი ბირთვული ძრავის წყალქვეშა აპარატია, რომელიც რუსეთის პრეზიდენტმა ვლადიმერ პუტინმა ფედერალურ ასამბლეისადმი გაგზავნილ შეტყობინებაში წარადგინა 2018 წელს. მას შემდეგ, ამერიკულმა მედიამ არაერთხელ განაცხადა შეერთებული შტატებისთვის ამ იარაღის საშიშროების შესახებ.