ყატარის ხელისუფლებამ სინანული გამოთქვა დედაქალაქ დოჰას აეროპორტში ტურისტების იძულებითი გინეკოლოგიური გამოკვლევის გამო. ამის შესახებ იტყობინება მონარქიის მთავრობის ვებგვერდი.

ინციდენტი მოხდა ოქტომბრის დასაწყისში ჰამადის საერთაშორისო საჰაერო სადგურში, დოჰა- სიდნეის ავიარეისზე.

თვითმფრინავის გაფრენის წინ 13 ქალი მოიხსნა რეისიდან, რომლებიც გადაიყვანეს სამედიცინო პუნქტში, რადგან ახლად დაბადებული ბავშვი ერთ-ერთი ტერმინალის ტუალეტში იპოვნეს. ბავშვი ნაგვის ყუთში ეგდო, პოლიეთილენის ტომარაში იყო გახვეული და ზემოდან ნაგავი ჰქონდა მიყრილი.

ყატარმა ბოდიში მოიხადა ქალთა თავისუფლების შეზღუდვა-დარღვევისთვის. ”სასწრაფო გამოკვლევის მიზანი იყო შემზარავი დანაშაულის ჩამდენი არ მიმალულიყო, ” - ნათქვამია განცხადებაში.

ქვეყნის ხელისუფლებამ სამართალდამცავებს გამჭვირვალე და ყოვლისმომცველი გამოძიების ჩატარებისკენ მოუწოდა. აღინიშნა, რომ დოჰის აეროპორტში ახალშობილის აღმოჩენა პირველად მოხდა. საჰაერო სადგურის ხელმძღვანელობამ სთხოვა ყველას, ვინც იცის რამე ნაპოვნი ბავშვის დედის შესახებ, მიეწოდებონათ ინფორმაცია.

Qatar Airways- ის მგზავრების იძულებითი გამოკვლევა, რომლის დროსაც ისინი იძულებულნი იყვნენ საცვლები გაეხადათ, ცნობილი გახდა 26 ოქტომბერს. ავსტრალიის ხელისუფლებამ ინციდენტზე რეაგირება მოახდინა, რადგან 13 მგზავრი ამ ქვეყნის მკვიდრი აღმოჩნდა - ოფიციალურმა წარმომადგენლებმა უკმაყოფილება გამოთქვეს და მოითხოვეს გამოძიება და გარემოების დადგენა.