ფილმებში და მხატვრულ ლიტერატურაში, ბევრი ისტორიული ფაქტი შელამაზებულად არის წარმოდგენილი ან დამახინჯებულია. თუმცა, არის ისეთი ფაქტები, რომლებიც ძველ წყაროებშია დაფიქსირებული, მაგრამ სიმართლეს არ შეესაბამება. საქმე იმაშია, რომ ყველა მეფეს საკუთარი ჟამთაღმწერი ჰყავდა და სწორედ ის წყვეტდა, რა ინფორმაცია უნდა მოხვედრილიყო მომავალი თაობებისთვის განკუთვნილ წიგნში. არც ისე იშვიათად, უკვე არსებული ისტორიული წყაროების გადაწერა და რაღაც ფაქტების «ჩასწორებაც» ხდებოდა. მაგ., ფარაონი ეხნატონი, რომელიც ეგვიპტეს 17 წლის მანძილზე (1353 – 1336 წწ.) მართავდა, ისტორიიდან ისე გააქრეს, რომ მის შესახებ, 3000 წლის მანძილზე, არავინ არაფერი იცოდა...

აქ 10 ისტორიულ «ფაქტს» წარმოგიდგენთ, რომელიც ტყუილი აღმოჩნდა და რომლისაც ბავშვობიდან გვჯეროდა.

მართალია, ბერძნების მიზანი ტროას აღება იყო, მაგრამ არანაირი «ძღვენი» არ ყოფილა. სინამდვილეში, ბერძნებმა ალყის მექანიზმი შექმნეს, რომელიც ცოტათი ცხენს წააგავდა. სწორედ ამ მექანიზმით შეძლეს მათ ქალაქის აღება. ამ ვერსიის მტკიცებულებად, შეგვიძლია ძველი ბერძენი მოგზაურის და გეოგრაფის პავსანის (II ს.) წიგნი – «ელადის აღწერა» მოვიყვანოთ, რომელიც ანტიკური საბერძნეთის ერთგვარი გზამკვლევი იყო. «ხის კონსტრუქცია რეალურაფდ არსებობდა, მაგრამ ეს საჩუქარი კი არა, ტარანი (სანგრევი იარაღი) იყო, რომელიც ტროელებმა ბერძნებს «წაართვეს» და ქალაქში შეიტანეს. სწორედ მასში იყვნენ დამალულები ბერძენი მეომრები და ისინი ქალაქის დამცველებმა არეულობაში ვერ შენიშნეს.» – წერს ავტორი.

ნუნიეს დე ბალბოამ წყნარი ოკეანე («სამხრეთის ზღვასთან») 1513 წ. სან-მიგელის ყურესთან (პანამა) მდებარე მთიდან დაინახა. ამ ინფორმაციაზე დაყრდნობით, მაგელანმა მოლუკის კუნძულებზე ზღვით მისვლის გეგმა შეიმუშავა. მისი აზრით, ბრაზილიის ქვემოთ, სრუტე უნდა ყოფილიყო, რომელიც ატლანტის ოკეანეს «სამხრეთის ზღვასთან» აკავშირებდა. მან თავის გეგმის განხორციელების შესაძლებლობაში ესპსნეთის მეფის კარიც დაარწმუნა და 1519 წ. 20 სექტემბერს, 5 გემით და 265 მეზღვაურით, ზღვაში გავიდა. ამერიკამდე სწრაფად მივიდნენ, მაგრამ ოკეანეს შორის გასასვლელის მოძებნა ადვილი არ იყო. ბოლოს, აღმოაჩინეს სრუტე, რომელიც ძალიან ვიწრო და კლდოვანი აღმოჩნდა. ამასთან, გამუდმებით ძლიერი ქარი უბერავდა. სრუტის მეორე მხარეს, მხოლოდ ორი გემი გავიდა: «ვიქტორია» და «ტრინიდადი».

გემებმა წყნარი ოკეანე გადალახეს და აზიის აღმ. სანაპიროს მიადგნენ. ფერნანდო მაგელანი ფილიპინებზე ადგილობრივ ტომებს შორი ომში ჩაება და სასიკვდილოდ დაიჭრა. ხოლო, ესპანელები სამშობლოში, 1522 წ. სექტემბერს, 1 გენით და 18 კაციანი ეკიპაჟით დაბრუნდნენ, რომლის კაპიტანი ხუან სებასტიან ელკანო იყო, კაცი, რომელმაც დედამიწას რეალურად შემოუარა.

ტრადიციულად, ამერიკის აღმომჩენად, ქრისტეფორე კოლუმბი ითვლება და ეს 1492 წელს მოხდა, როდესაც ის თავისი ეკიპაჟით ამერიკის სანაპიროს მიადგა. მაგრამ, კოლუმბი პირველი ადამიანი არ აღმ. ნახევარსფეროდან, ვინც «ახალი სამყარო» იხილა...

ევროპელებიდან პირველი, ვინც ჩრდ. ამერიკის მიწაზე ფეხი დაადგა, სკანდინავიელი მეზღვაური ლეიფ ერიქსონი (970-1020) იყო და ეს, დაახლოებით, 1000 წ. მოხდა. ის დასავლეთით 35 კაციანი ეკიპაჟით გაემგზავრა... და კიდევ უფრო ადრე, ამერიკაში ეგვიპტელები იყვნენ...

ალმასი ევროპაში ალექსანდრე მაკედონელის აზიური ლაშქრობის შემდეგ გამოჩნდა

ალმასი – სამეფო ქვა არის და ყველა ძვირფასი ქვის მეფედ ითვლება. მხოლოდ წარსულში კი არა, ამ უძვირფასეს მინერალზე დღესაც უდიდესი მოთხოვნა არის. ალმასთან დაკავშირებით, უამრავი ინფორმაცია არსებობს და მათ შორის არის მითი ალექსანდრე მაკედონელის შესახებ, რომელსაც შეცდომაში შეჰყავს ადამიანი.

მითის მიხედვით, ალ. მაკედონელმა (ძვ. წ. აღრ. 356 – 323 წწ.) ინდური ლაშქრობის დროს, ალმასების ხეობა აღმოაჩინა, რომელიც ჰოლკონდის მახლობლად მდებარეობდა და სწორედ იმ დროიდან დაიწყო ალმასის შეტანა ევროპაში ინდოეთიდან.

სინამდვილეში, ევროპელებისთვის, ეს ძვირფასი ქვა ბევრად უფრო ადრე უკვე ცნობილი იყო. მაგ., ბრიტანეთის მუზეუმს თუ ესტუმრებით, რომელშიც ბერძნული ქანდაკებებია დაცული, ნახავთ, რომ ზოგიერთი მათგანი, დაუმუშავებელი ალმასებით არის მოოჭვილი, ხოლო თავად ქანდაკება ძვ. წ. აღრ. V საუკუნით არის დათარიღებული.

დიახ, ალ. მაკედონელმა დიდი იმპერია შექმნა და სწორედ მას თვლიან ყველაზე დიდ მხედართმთავრად კაცობრიობის ისტორიაში. მაგრამ, რეალურად, ყველაზე დიდი იმპერია ძველ მსოფლიოში მონღოლებმა შექმნეს.

XII-XIV საუკუნეებში მონღოლებმა ცენტრალური აზია, ჩინეთი, კორეა, ახლო აღმოსავლეთის ქვეყნები და აღმოსავლეთ ევროპა დაიპყრეს. დაპყრობითი ომების წარმოება ჩინგიზ-ყაენმა 1206 წ. დაიწყო და 21 წელში მონღოლთა დიდი იმპერია შექმნა. ხოლო, ალ. მაკედონელის მიერ შექმნილ იმპერიაში, მხოლოდ ეგვიპტე, სპარსეთი და ინდოეთის ნაწილი შედიოდა.

წიგნებში და ფილმებში გლადიატორები ყოველთვის მონების სახით არიან წარმოდგენილები, რომლებიც ერთმანეთთან ბრძოლით, მაყურებლის გართობა ევალებოდათ. თუმცა, სინამდვილეში, ყველაფერი სხვაგვარად იყო:

თავდაპირველად, გლადიატორები მართლაც მონები და პატიმრები იყვნენ. მაგრამ, შემდეგ ასეთი ბრძოლები იმდენად პოპულარული გახდა, რომ სპორტის სახეობად იქცა და სკოლებიც კი გაიხსნა, რომლებშიც თავისუფალ ადამიანებს ავარჯიშებდნენ. გარდა ამისა, მოგვიანებით, გლადიატორებს შორის მაღალი ფენის წარმომადგენლები და ქალებიც კი იყვნენ.

ბუმერანგი ეკზოტიკური იარაღია და მას, ნადირობის დროს, აბორიგენები ძალიან ეფექტურად იყენებენ. ამიტომ, თვლიან, რომ მისი გამომგონებლები ავსტრალიელი აბორიგენები არიან.

მაგრამ, ეს მხოლოდ მითია! არსებობს მტკიცებულება, რომ ამ იარაღით სხვა ქვეყნებშიც სარგებლობდნენ. ის აღმოჩენილია ძველ ეგვიპტეში და ჩრდ. ამერიკაში. არქეოლოგიური მონაცემების თანახმად, ბუმერანგით უძველეს დროში, თანამედროვე პოლონეთის ტერიტორიაზე მცხოვრები ტომებიც სარგებლობდნენ. ასე, რომ, ეს იარაღი დედამიწის ყველა კონტინენტზეა აღმოჩენილი.

პირველი, ვინც აზრი გამოთქვა სამყაროს მოწყობის ჰელიოცენტრული სისტემის შესახებ, ძველი ბერძენი ასტრონომი და მათემატიკოსი არისტარქ სამოსელი (ძვ.წ.აღრ. 310-230 წწ.) იყო და ეს, კოპერნიკამდე, 1800 წლით ადრე მოხდა.

მან უბრალოდ კი არ განაცხადა, რომ ჩვენი პლანეტა მზის ირგვლივ ბრუნავს, არამედ, დედამიწიდან მზემდე მანძილიც კი გაზომა.

ჩვენთვის ჰელიოცენტრული სისტემის ავტორად ნ. კოპერნიკი (1473 – 1543 წწ.) ითვლება, მაგრამ ამ თეორიის ფორმირებაში სხვა მეცნიერებსაც მიუძღვით წვლილი:

კოპერნიკის თეორია გერმანელმა მათემატიკოსმა ი. კეპლერმა (1571 – 1630 წწ.) სრულყო და დაასრულა. ის 10 წლის მანძილზე, დანიელი ასტრონომის ტ. ბრაგეს (1546 – 1601 წწ.) მრავალწლიანი დაკვირვების შედეგებზე მუშაობდა და თავისი ნაშრომი – «სამყაროს ჰარმონია», წიგნის სახელით, 1619 წ. გამოსცა. აქვე უნდა აღინიშნოს, რომ კეპლერის ნაშრომში, კოპერნიკისეულმა სამყაროს მოწყობის სისტემამ ცვლილება განიცადა. ახალი თეორიის მიხედვით, პლანეტები მზის ირგვლილ ელიფზე მოძრაობდნენ და არა წრეზე, როგორც ამას ნ. კოპერნიკი ამტკიცებდა. მაგრამ, კეპლერის თეორიასაც ჰქონდა ნაკლი, – ის არ პასუხობდა კითხვასზე, თუ რა აიძულებდათ პლანეტებს, ვერსკვლავის ირგვლივ მოძრაობას.

«სამყაროს ჰარმონიის» გამოსვლიდან, 50 წლის შემდეგ (1687 წ.), ი. ნიუტონმა (1642 –1727წწ.), კეპლერის თეორია ბოლომდე მიიყვანა, – მან გრავიტაცია, ანუ მსოფლიო მიზიდულობის ძალა აღმოაჩინა.

ავსტრალიელს თუ ჰკითხავთ, ვინ აღმოაჩინა მათი მატერიკი, პასუხი – კუკი, ნამდვილად არ იქნება... ჯ. კუკმა ავსტრალიის აღმ. სანაპიროს 1770 წელს შემოუარა. მაგრამ, მანამდე, იქ უკვე ნამყოფები იყვნენ ჰოლანდიელი მოგზაურები აბელ ტასმანი და დერკ ჰარტოგი. უფრო მეტიც, კუკის ავსტრალიაში მოგზაურობამდე, 165 წლით ადრე, ეს კონტინენტი კიდევ ერთმა ჰოლანდიელმა, უილიამ იანსმა გამოიკვლია.

ზოგადად, ველური დასავლეთი, თანამედროვე ადამიანისთვის, ურთულეს პერიოდთან ასოცირდება, რომლის დროსაც, ყველაფერს ფიზიკური ძალა და ცეცხლსასროლი იარაღი წყვეტდა. ასეთია მწერლების და კინომატოგრაფისტების მიერ დანახული XIX საუკუნის ამერიკის დას. ნაწილი.

მაგრამ, არქივებში დაცულ, იმ პერიოდის მონაცემებს თუ დავეყრდნობით, საქმე სულ სხვაგვარად ყოფილა... მაგ., ძარცვის ფაქტები, მოსახლეობის რაოდენობაზე გაანგარიშებით, იქ იმაზე ნაკლები იყო, ვიდრე იგივე პერიოდში, დეტროიტში ან ნიუ-იორკში. ამიტომ, ველური დასავლეთი, არც ისეთი ველური იყო, როგორც დღეს ბევრს ჰგონია.

1. სამოსის ფერის 10 ტონი, რომელიც ვიზუალურად აახალგაზრდავებს

2. ყველაზე უცნაური ადგილი მსოფლიოში, სადაც ადამიანები უკვალოდ ქრებიან
3. რატომ არის მნიშვნელოვანი ჩუსტების ტარება და რატომ არ შეიძლება იატაკზე ფეხშიშველი ან წინდებით სიარული
4. ამის ნახვის შემდეგ, საკუთარი სახლი სასახლედ მოგეჩვენებათ...
5. 3 საშიში ლეგენდა, რომელიც სიმართლე აღმოჩნდა

6. 100 წლის წინ ის ჩვეულებრივი სურათი იყო... როგორ იქცა «ჯოკონდა» მსოფლიო დონის შედევრად