საუზმე აუცილებელია მთელი დღის ენერგიის მარაგის შესავსებად და რა თქმა უნდა ჯანმრთელობისთვის. მაგრამ შეიძლება კი ჩვენი საუზმე ჩავთვალოთ ჯანსაღად? გადახედეთ რას მიირთმევთ და ამოიღეთ ზოგიერთი პროდუქტი თქვენი კვების რაციონიდან.

1. ტკბილი ფანტელები

ამ პროდუქტში ბევრი ნახშირწყლებია და ცოტა უჯრედისი, ასე რომ მან შეიძლება გამოიწვიოს სისხლში შაქრის დონის ნახტომისებური მატება, შემდეგ კი ისევ ნახტომისებური დაწევა. ეს კი გამოიწვევს ნერვოზულობას და შიმშილის გრძნობის გაძლიერებას. საჭიროა ისეთი ფანტელების შერჩევა, რომელშიც სამ გრამზე ნაკლები უჯრედისი არ იქნება.

2. ვაფლი ან ბლინები

მის შემადგენლობაში იშვიათადაა მთლიანი მარცვლები და უჯრედისები (განსაკუთრებით მაშინ, როცა ის გაყინულ მდგომარეობაში იყიდება).

3. მიუსლის ბატონჩიკები

მათი უმეტესობა შეიცავს ძალიან დიდი რაოდენობით შაქარს, ამასთან თითქმის არ შეიცავს ცილას და უჯრედისს. მოძებნეთ ისეთი მიუსლი, რომელშიც 5 გრ.-ზე ნაკლები შაქარი შედის.

4. პაკეტის წვენი

მაღაზიაში ნაყიდი წვენები თითქმის არ შეიცავს ნატურალურ ხილს და ბოსტნეულს. სამაგიეროდ მასში დიდი რაოდენობითაა შაქარი, ზოგჯერ კი სეროფი ფრუქტოზით. ყოველ დილას პაკეტის წვენების დალევა საუკეთესო არჩევანი არაა. უმჯობესია სახლში თვითონ მოიმზადოთ ფრეში, მაგრამ ძალიან არ გაგიტაცოთ, რადგან წვენებში პრაქტიკულად არ არის ცილები.

5. უცხიმო იოგურტი

ბევრი დილაობით მხოლოდ უცხიმო იოგურტს მიირთმევს. ეს ძალიან მავნებელია, რადგან მას არ აქვს არავითარი კვებითი ღირებულება, ე.ი. ვერც ენერგიას მიიღებ მისგან. იოგურტის შემდეგ ძალიან მალე დგება შიმშილის გრძნობა. საუზმის კალორიულობა უნდა შეადგენდეს 250-400 კკალ. იოგურტს თუ ხილს ან შვრიას დაუმატებთ, ამით თქვენ უფრო დაბალანსებულ საკვებს მიიღებთ.

6. ყავა

ზოგიერთი საუზმეზე მხოლოდ ყავას სვამს. ის ენერგიით გვავსებს, მაგრამ სამწუხაროდ მხოლოდ ცოტა ხნის მანძილზე და არ უზრუნველყოფს სრულყოფილ კვებას. თუ სამსახურში მიმავალი, ყავას მაღაზიაში ყიდულობთ, მითუმეტეს, უამრავ ზედმეტ კალორიებს იღებთ (განსაკუთრებით მაშინ, თუ ყავაში ნაღების და სეროფის დამატება გიყვართ), ხოლო ცილა და უჯრედისი ყავაში რა თქმა უნდა საერთოდ არ არის.

7. "პონჩიკი"

ცხიმიანი, შაქრიანი, რაფინირებული ნახშირწყლებიანი "პონჩიკი", საუზმის ის ვარიანტია, რომელსაც უნდა გაურბოდეთ. თუ მაინცდამაინც ასეთი საუზმე გსურთ, მაშინ მას დაუმატეთ მიხარშული კვერცხი (ცილების წყარო), ერთი მუჭა თხილი (სწორი ცხიმები) და ერთი ჭიქა რძე.

8. კარაქიანი ტოსტები

ტოსტერში ჩავდოთ პურის ნაჭერი, შემდეგ წავუსვათ კარაქი–რა არის ამაზე ადვილი. მაგრამ უკვე 45 წუთის შემდეგ მოგშივათ. პური არ შეიცავს ცილებს. ის შეიძლება დანამატის სახით მიირთვათ, მაგალითად იოგურტთან ერთად.

9. მაფინი

არც მთელ მარცვალს, არც უჯრედისს ის არ შეიცავს, კალორიები კი–600-დან 800-მდეა, ბევრად მეტი, ვიდრე ეს საუზმისთვისაა საჭირო. თუ ძალიან გინდათ, მხოლოდ ნახევარი მაინც მიირთვით და შეუხამეთ რაიმე ცილის შემცველს, მაგალითად იოგურტს.

10. კრუასანი

იგივე თეთრი პურია, ნახშირწყლები. საჭიროა გადავუსვათ ავოკადოს პიურე ან არაქისის კარაქი.

11. სწრაფი მომზადების შვრია

პაკეტების შვრია, რომელსაც საკმარისია მდუღარე წყალი დაასხა, თქვენი ყურადღების ღირსადაც კი არ ღირს. არაფერია მასში სასარგებლო. ეს შვრია უკვე ძალიან გასუფთავებული და დამუშავებულია, არ შეიცავს უჯრედისს. სამაგიეროდ მასში ბევრია შაქარი და სხვა მავნებელი დანამატები.

12. შემწვარი ბეკონი

გამოკვლევების თანახმად, დამუშავებული ხორცის სულ ცოტა 50 გრამი, რომელსაც ყოველდღე მიირთმევენ, გულსისხლძარღვთა დაავადებების და დიაბეტის განვითარების რისკს ზრდის.

ზოგი უარს ამბობს დილის საუზმეზე, მაგრამ დიეტოლოგები გვირჩევენ, რომ უმჯობესია ისაუზმოთ. თუ დილით არ იღებთ უჯრედისს და ცილებს, დღის განმავლობაში ძნელი იქნება ძალების აღდგენა. თუ თქვენ იმათ რიცხვში ხართ, ვინც დილაობით არ საუზმობს, იმიტომ რომ არ შია, ექსპერტები ამტკიცებენ, რომ უმჯობესია, კვების რაციონს გადახედოთ. შესაძლოა თქვენ საღამოს, ვახშამზე ბევრ საკვებს იღებთ, ამიტომ ჯობია ცოტა შეამციროთ ვახშმის დოზები.