მაკარონი პომიდვრის სოუსით ან პიკანტური ბოლონიის სოუსით ერთ-ერთი ყველაზე პოპულარული კერძია. ის არა მხოლოდ ბავშვებს, არამედ უფროსებს უყვართ. ორიგინალური კერძების მოყვარულებს შეუძლიათ მაკარონის მომზადების ეს რეცეპტი გამოიყენონ.

ამ კერძში შედის სამი ინგრედიენტი: ხორცის ფრიკადელი, ცომი მაკარონით და სოუსი.

ფრიკადელის მოსამზადებლად დაგჭირდებათ:

250 გრ ხორცის ფარში

50 გრ გახეხილი ყველი

1 ჩ/კ დაფქული ორეგანო

მარილი და წიწაკა გემოვნებით

ცომი მაკარონისთვის დაგჭირდებათ:

300 გრ მაკარონი

4 კვერცხი

200 გრ გახეხილი ყველი

3 ს/კ ფქვილი

4 ს/კ გახეხილი პარმეზანი

სანელებლები - შავი წიწაკა და მუსკატის კაკალი

სოუსისთვის დაგჭირდებათ:

400 მლ პომიდვრის სოუსი

მცირე ზომის ხახვი (წვრილად დაჭრილი)

1 კბილი ნიორი (წვრილად დაჭრილი)

1 ჩ/კ როზმარინი

1 ჩ/კ ბეგქონდარა

მარილი და წიწაკა გემოვნებით

ოხრახუში

მომზადება:

ხორცის ფარში სანელებლებით (ორეგანო, მარილი და წიწაკა) მოამზადეთ. კარგად არევის შემდეგ ფარში 4 თანაბარ ნაწილად გაყავით. თითოეულ პორციაში ცოტა გახეხილი ყველი ჩადეთ და ბურთის ფორმა მიეცით.

მაკარონი მოხარშვამდე მოამზადეთ (წყლის დამარილება არ დაგავიწყდეთ). სანამ მზადდება, ყველი, კვერცხი და ფქვილი აურიეთ. მიღებულ ნარევს მარილი, წიწაკა და მუსკატის კაკალი დაუმატეთ. ახლა მზა მაკარონს აურიეთ.

4 პატარა თასი აიღეთ და საკვები ცელოფანი ჩააფინეთ, მაკარონის და ყველის ნაწილი მოათავსეთ, შუაში ფრიკადელი ჩადეთ. შემდეგ ზემოდან დარჩენილი მაკარონის და ყველის ნარევი დაუმატეთ.

კუთხეები შეკარით, რომ კერძი კარგად შეიკრას და ცომს ოდნავ დააჭირეთ. მაცივარში 1 საათით გააგრილეთ.

ამის შემდეგ პოლიეთილენის პარკი გახსენით და საცხობ ტაფაზე მოათავსეთ. პარკი მოაშორეთ. ახლა 175 გრადუსზე 35 წუთით აცხვეთ, სანამ ყავისფერ-ოქროსფერ შეფერილობას არ მიიღებს.

ახლა სოუსის მომზადებას შეუდექით: ზეთში ნიორი და ხახვი შეწვით. წითელი ღვინო, პომიდვრის სოუსი და სანელებლები დაუმატეთ. სუსტ ცეცხლზე 30 წუთით შეწვით, ბოლოს მარილი და წიწაკა დაუმატეთ.

სუფრაზე გატანის წინ თითოეულ მაკარონის და ხორცის ბურთს პომიდვრის სოუსი მოასხით და მწვანე ოხრახუშით მორთეთ.

ასევე დაგაინტერესებთ:

როგორ უნდა მოვხარშოთ მაკარონი სწორად

ყვავილოვანი კომბოსტო კორეულად - წარმოუდგენლად გემრიელია

ცხარე, პიკანტური და არომატული ეთიოპიური წვნიანი ოსპით: ჩემს ოჯახში ლობიოთი ამზადებენ

ცხელი ლავაშის რულეტი კარტოფილით და სოკოთი: წასახემსებელი, რომელსაც ყველაზე მეტად აქებენ

კარგი იდეა დასვენების დღეებისთვის: ფენოვანი ცომი ლორით