საბუნებისმეტყველო
"სიკვდილის გზა არ-რა არის, ვარდისფერ გზის გარდა"? - გლობალური დათბობის ახალი საფრთხე
2020, 9 ივლისი, 0:31
ვარდისფერი თოვლი იტალიის ალპებში
იტალიის ალპებში განფენილი თოვლი და ყინული ვარდისფერი შეფერილობის გახდა, რაზეც ინფორმაცია "სი-ენ-ენ"-ზე გავრცელდა.
მეცნიერები, რომლებიც ამ უჩვეულო ფენომენის შესწავლით უკვე აქტიურად არიან დაკავებული, მას ხსნიან წყალმცენარის გავლენის შედეგად ყინულის დაჩქარებულად დნობით და გლობალური დათბობის კიდევ ერთ ხელმშემწყობ ფაქტორად, საფრთხედ ასახელებენ.
როგორც "სი-ენ-ენ"-ის საშუალებით აუდიტორიისათვის გახდა ცნობილი, ვარდისფერი თოვლი პირველად დაინახეს ჩრდილოეთ იტალიაში მდებარე პ რ ე ს ე ნა ს მყინვარწვერზე.
იტალიელი მეცნიერის, ბიაჯიო დი მაუროს ცნობით, წყალმცენარე, რომელმაც ალპების ყინული და თოვლი "ვარდისა ფერად შეჰღება", შემჩნეულია მსოფლიოს სხვა კუთხეებშიც და იგი გლობალური დათბობის საფრთხეზე მოასწავებს.
"დანამდვილებით შემიძლია, გითხრათ, რომ ეს ცუდია მყინვარისთვის", - განაცხადა ბიაჯიო დი მაურომ "სი-ენ-ენ"-თან ინტერვიუში. მისი თქმით, საშიში წყალმცენარის გავრცელებას ხელი შეუწყო კლიმატურმა ცვლილებებმა.
