დამეთანხმებით, რომ ქეი-პოპმა ადგილი უკვე დაიმკვიდრა მუსიკალურ ინდუსტრიასი, ისევე როგორც სამხრეთ კორეულმა სილამაზის სტანდარტებმა. დღეს აღმოსავლეთ აზიაში ბევრი მიისწრაფის იმისკენ, რომ თავიანთი საყვარელი აიდოლების მსგავსად გამოიყურებოდნენ. როგორც იცით, სამხრეტ კორეაში პლასტიკური ოპერაციები ისედაც ძალიან პოპულარული იყო. ახლა კი სტატისტიკამ რეკორდულ ნიშნულებსაც მიაღწია.

სეულში წარმატებული კარიერისთვის პლასტიკურ ოპერაციებს აუცილებლობადაც თვლიან. კორეელებს ტერმინიც კი აქვთ: Oemo jisang juui, რაც ნიშნავს სამსახურის მოთხოვნებს, რომლის მიხედვითაც უპირატესობას მიმზიდველ გარეგნობას ანიჭებენ, რა თქმა უნდა კარგ რეკომენდაციებთან და გამოცდილებასთან ერთად. გამოკითხული 760 კომპანიიდან, 93 % კანდიდატებს სწორედ გარეგნობის მიხედვით არჩევს. ამიტომ, გასაკვირი არცაა, რომ პლასტიკური ოპერაციები ასეთი პოპულარულია.

შეიძლება ითქვას, რომ ოპერაციის გაკეთებას უკვე ბავშვობიდან გეგმავენ. საშუალო სკოლის დამთავრების შემდეგ, მშობლები თვითონ ჩუქნიან შვილებს სერთიფიკატს ამა თუ იმ პლასტიკური ოპერაციის ჩასატარებლად.

სეულში კლინიკების ძალიან დიდი რაოდენობაა. ახლა კი უკვე ინჩეონის საერთაშორისო აეროპორტშიც კი შეგხვდებატ ღია კლინიკა, სადაც შესაძლებელია ბოტოქსის გაკეთება, ან თუნდაც თუჩების გადიდება. ყველაზე პოპულარული პლასტიკური ოპერაციები კი შემდეგია:

1. “ორმაგი ქუთუთო''

2. ოპერაცია ყბების დასაპატარავებლად

3. ეპიკანტუსის პლასტიკა

4. ნიკაპის პლასტიკა

5. შუბლის გადიდება

6. “ალუბლის ტუჩები''

7. ოპერაცია ცხვირის ნესტოების დასაპატარავებლად

ოპერაციის შემდეგი ფოტოები შეიძლება უბრალო ფოტოშოპადაც ჩათვალოთ, მარამ ეს ასე არაა, შედეგი ნამდვილად თვალშესაცემია.