ააიპ „დედოფლისწყაროს საზოგადოებრივი ჯანმრთელობის დაცვის ცენტრი“ განცხადებას ავრცელებს:

„დედოფლისწყაროს მუნიციპალიტეტის მოსახლეობის საყურადრებოდ!!!
დღევანდელი (13 აპრილის) მდგომარეობით, COVID-19 თან დაკავშირებით, არცერთი პიროვნება არ იმყოფება თვითიზოლაციაში, არც კარანტინში. შესაბამისად, არ გვაქვს შფოთვის არანაირი მიზეზი!

გთხოვთ, შეინარჩუნოთ სიმშვიდე, არ აყვეთ პანიკას და ნუ გაავრცელებთ ცრუ ინფორმაციას!!!

ნებისმიერ ინფორმაციას COVID-19ის შემთხვევებთან დაკავშირებით დავდებთ ჩვენ გვერდზე!!!“ - ნათქვამია ჯანდაცვის ცენტრის ოფიციალურ განცხადებაში.

შეგახსენებთ, რამდენიმე დღის წინ ტემპერატურა აღენიშნებოდა საზღვარგარეთიდან დაბრუნებულ ერთ მოქალაქეს, ჯამში დედოფლისწყაროდან რამდენიმე „საეჭვო“ მოქალაქემ ჩაიტარა კორონას ტესტი. ანალიზები ჯერ თელავში, შემდეგ კი ლუგარის ლაბორატორიაში გადაიგზავნა და ჯამში არცერთ მოქალაქეს ახალი ვირუსი არ დაუდგინდა.