ტკბილეულის მოყვარულებმა ამ რეცეპტს ყურადღება უნდა მიაქციონ. ამ დესერტის მომზადება რთული არ იქნება, თუ საჭირო ინგრედიენტებს მოიმარაგებთ და მოქმედების ალგორითმს დაიცავთ.

ინგრედიენტები:

200 გრ შოკოლადი

100 მლ ნაღები

3 კვერცხი

80 გრ გამდნარი კარაქი

4 გრ ფქვილი

30 გრ შაქრის ფხვნილი

1 მწიკვი მარილი

ასევე ფისტაშკები და კაკაოს ფხვნილი მოიმარაგეთ.

მომზადება:

შოკოლადი რამდენიმე პატარა ნაჭრად დაჭერით.

ამის შემდეგ მდუღარე წყლის ორთქლზე შოკოლადი გაადნეთ.

როცა შოკოლადი გადნება, 100 მლ ნაღები დაუმატეთ და კარგად აურიეთ.

ცალკე თასში კვერცხი და შაქარი აურიეთ, შემდეგ კი შოკოლადის მასას დაუმატეთ. ამის შემდეგ მწიკვი მარილი მოაყარეთ და კარგად ათქვიფეთ. ამის შემდეგ 80 გრ გამდნარი კარაქი და ფქვილი დაუმატეთ.

კვლავ აურიეთ და სპეციალურ საცხობ ფორმაში გადაასხით. საცხობ ფორმაზე პერგამენტის ქაღალდი ჩააფინეთ.

ეს დესერტი ორთქლზე მოამზადეთ. ამისთვის ფორმა წყლით სავსე თასზე დადეთ. ახლა ღუმელი 160 გრადუსამდე გაახურეთ და დესერტი ნახევარი საათით ღუმელში ჩადეთ. ამის შემდეგ რამდენიმე საათით მაცივარში მოათავსეთ.

სუფრაზე გატანის წინ კაკაოს ფხვნილი და ფისტაშკები მოაყარეთ.

ასევე დაგაინტერესებთ:

ჩემი ბავშვები გოგრას ცუდად ჭამენ, მაგრამ გოგრის ოლადებზე გიჟდებიან

ჩვენი ოჯახის საყვარელი ნამცხვარი ხაჭო-ვაშლის შიგთავსით

ნაზი, როგორც ღრუბელი - იაპონური ფუნთუშა „ჰოკაიდო“

დიეტური ვაშლის ნამცხვარი ფქვილის გარეშე - თუნდაც ყოველდღე მიირთვით

აღმოსავლური ტკბილეული მხოლოდ 15 წუთში: გაგრილებაზე დრო არ ჩათვალოთ