სანამ ადამიანების უმეტესობა კარანტინის რეჟიმში, ოთხ კედელს შორის, სახლში გამოკეტილი იმყოფება, "ოქროს ახალგაზრდობა" დროს იახტებსა და მდიდრულ კურორტებზე შესანიშნავად ატარებს. დამეთანხმებით, რომ თვითიზოლაციის იდეა არც ისე მოსაწყენად გამოიყურება, თუკი საქმე რომელიმე შორეულ ეგზოტიკურ კუნძულზე, პრემიუმ კლასის სასტუმროს, ოკეანის ხედით ეხება. მიუხედავად ამისა, "Rich Kids" - ებს არ ავიწყდებათ დიზაინერული ნიღბების სახეზე მორგება და "Instagram" - ისთვის ცხელ - ცხელი ფოტოების გადაღება. მდიდარი ოჯახის შვილები პანიკაში არ ვარდებიან, როდესაც მათ გვერდზე მოკალათებული, რომელიმე მგზავრი ფრენის დროს მოულოდნელად დაახველებს ან დააცემინებს, ვინაიდან ისინი მხოლოდ კერძო თვიმფრინავებით მგზავრობენ. "ოქროს ახალგაზრდობა" თვითიზოლაციას მსოფლიოს ყველაზე ლამაზ კუნძლებზე არჩევს. მოსაწყენი ყოველდღიურობისგან შორს კი გართობით გადაღლილები არც სოცილურ ქსელებს ივიწყებენ და მილიონობით გამომწერს შთამბეჭდავი ფოტოებით ყოველდღიურად ანებივრებენ.