უკვე 30 წელია ჰოლივუდის ვარსკვლავები ლეონარდო დიკაპრიო და ტობი მაგუაირი საუკეთესო მეგობრებად რჩებიან. მათ ერთმანეთი ჯერ კიდევ თინეიჯერებმა გაიცნეს ერთ-ერთი სერიალის ქასთინგზე.

“პირველად როდესაც ტობი დავინახე ქასთინგზე, გავიფიქრე რომ ძალიან მაგარი ბიჭი იყო და კარგი იქნებოდა ჩემი მეგობარი რომ გამხდარიყო.'' იხენებს დიკაპრიო.

მაგუაირი: “ერთხელ გადასაღებ მოედანზე განვიხილავდი რაღაცას ვუპი გოლდბერგთან, უფრო სწორად, მიმითითებდა თუ რას ვაკეთებდი არასწორად. უცებ ეს პატარა ბიჭი პორტფელით ხელში გადმოხტა დედამისის მანქანიდან მოირბინა და მითხრა “ტობი, ტობი, გამარჯობა, მე ლეო ვარ, შენი ნომერი დამიტოვე'', მახსოვს, მინდოდა დიდ ბიჭად გამოვჩენილიყავი და კბილებში გამოვცერი “დაახვიე, თორემ დაგარტყამ''.

დღეს მათი კარიერა სხვადასხვა ტემპებით ვითარდება, დიკაპრიო ბევრს თამაშობს მხოლოდ კარგ ფილმებში, ხოლო მაგუაირი ცოტა, მაგრამ კარგ პროექტებს ირჩევს. ერთად აქვთ მონაწილეობა “დიდებულ გეთბი''-ში.

მსახიობები ოჯახებით მეგობრობენ, ერთად მოგზაურობენ და დიდ დროს ატარებენ ერთად.