გამარჯობა 90-იანებიდან: თმის ბზინები კვლავ მოდაშია

22.11.2024
სტატია:138402
ვიდეო:351967
სურათი:512069

Array
(
    [get1] => სტატია
    [get2] => 124768-გამარჯობა-90-იანებიდან-თმის-ბზინები-კვლავ-მოდაშია
    [get3] => 136
)

ტენდენციები

გამარჯობა 90-იანებიდან: თმის ბზინები კვლავ მოდაშია

2020, 23 თებერვალი, 11:18

თმის ბზინები ბოლოს 90-იან წლებში იყო პოპულარული. ახლა ეს ტენდენცია ბრუნდება და თმის ბზინავი ძაფების ტარება არა მხოლოდ ცნობილ ადამიანებს, არამედ ნებისმიერ მსურველს შეუძლია. ამასთან შეგიძლიათ აირჩიოთ რამდენიმე ზოლი დაუმატოთ თუ მთელი თმა დაფაროთ!

რა არის თმის ბზინები?

ეს სპეციალური ბზინავი ძაფებია, რომლებიც თმაზე მაგრდება. ის საკმაოდ უნივერსალურია და შეგიძლიათ როგორც „განსაკუთრებულ შემთხვევებში“, ასევე ყოველდღიურ ცხოვრებაში გამოიყენოთ. ის შეგიძლიათ გარეცხოთ, დაივარცხნოთ და ფორმა შეუცვალოთ.

როგორ შევარჩიოთ იდეალური ფერი?

თმის სხვადასხვა ფერის ბზინები არსებობს. ყველაზე უფრო წარმატებულია ოქროსფერი ბზინები ქერა თმაზე, ვერცხლისფერი - ჭაღარა თმაზე, სპილენძისფერი - წითურ თმაზე, ყავისფერი - წაბლისფერ თმაზე, შავი - შავ თმაზე. სურვილის მიხედვით შეგიძლიათ ფერადი ვარიანტები აირჩიოთ. აქ გემოვნება დიდ როლს ასრულებს.

ნებისმიერ შემთხვევაში თქვენ საკმარისად მიმზიდველი იქნებით, რომ სურათები სოციალურ ქსელებში, მაგალითად ინსტაგრამზე გამოაქვეყნოთ. სხვათა შორის, ბზინები თმისთვის უსაფრთხოა, ამიტომ მისი ტარება ბავშვებსაც შეუძლიათ. ერთადერთი - გოგონა საკმაოდ მომთმენი უნდა იყოს, რომ მისი ჩამატების დროს გაუნძრევლად ჯდომა შეძლოს.

ცნობილები უკვე დიდი ხანია ტრენდშია!

პირველი ცნობილი ადამიანი, რომელიც საჯაროდ თმის ბზინებით გამოჩნდა, ბიონსე გახდა. ეს ჯერ კიდევ 2010 წელს, გრემის დაჯილდოებაზე მოხდა. ამ დღეს მომღერალმა თავისი ჰიტისთვის Single Ladies პრემია მიიღო და თავისი ოქროსფერი ზოლებით ყველა აღფრთოვანებაში მოიყვანა.

ცოტა ხნის წინ კი მსგავსი ხრიკი კეისი მასგრეივიმ გაიმეორა. მისი თმა ოქროსფერი და ფუქსიისფერი ბზინავი ზოლებით პირდაპირ ბრწყინავდა. ასეთი სახით კეისი ახალ ორლეანში თავის გამოსვლაზე გამოჩნდა.