პენსილვანიის შტატში, ქალაქ დიუბუას ჩრდილოეთ კანტონის სკოლის მოსწავლეებმა, იპოვნეს ჩანთა, რომელიც ერთ-ერთ მოწაფეს სკოლაში დაეკარგა.თუმცა როგორც გაირკვა, ჩანთის პატრონი სკოლაში სწავლობდა 1950-იან წლებში. მისი შვილებისა და ნათესავების თანდასწრებით გახსნილი ჩანთა გახდა ნამდვილი დროის კაფსულა დღევანდელი მოსწავლეებისათვის.

ჩანთა იპოვნეს კედელსა და ტანსაცმლის კარადას შორის. როგორც გამოძიებამ დაადგინა, იგი ეკუთვნოდა სკოლის მოსწავლეს, სახელად პატი რუმფოლას, რომელიც სწავლობდა ჩრდილოეთ კანტონში 1950-60-იან წლებში. სკოლის მოსწავლეებმა მისი ნათესავები იპოვნეს.

როგორც გაირკვა, პატი რუმფოლა ცოტა ხნის წინ გარდაიცვალა, მაგრამ მის ხუთ შვილს საშუალება მიეცათ გაერკვიათ, რა იდო მასში. აღმოჩენა გახდა რეალურად მათთვის დროის კაფსულა!

როგორც გაირკვა, პატიმ ჩანთა 1956 წელს დაკარგა, როდესაც ის 14 წლის იყო. როგორც არ უნდა გაგიკვირდეთ .სკოლაში ჩანთა 60 წლის განმავლობაში ხელუხლებლად იდო.(სკოლის რემონტი მაინც არ გააკეთეს ამ ხნის განმავლობაში?)

პატი რუმფოლა დაიბადა 1942 წელს. სკოლის დამთავრების შემდეგ ის გახდა პედაგოგი და პენსიაზე გასვლამდე მუშაობდა ანაპოლისის ერთ – ერთ სკოლაში.

1980 წელს, იგი დაქორწინდა ჯონ მაიკლზე, მათ ეყოლათ ხუთი შვილი . ამის გარდა იგი დიზაინერობამ გაიტაცა, ადგილობრივი თეატრისთვის კერავდა კოსტუმებს.

პატის ძალზე მეგობრული ოჯახი ჰყავდა, ყველა მის შვილმა შექმნა ოჯახი და შვილიშვილებით გაახარეს ბებია.

პატი გარდაიცვალა 2013 წელს, 71 წლის ასაკში, ადგილობრივ საავადმყოფოში.

ჩანთაში იდო, ყველაფერი ის, რაც მოზარდი გოგონასთვის აუცილებელი იყო, მათ შორის ტუჩის საცხიც და პუდრაც.

ნათესავების, მეგობრების და საყვარელი ძაღლის ფოტოები

მედალიონები, სკოლის ბიბლიოთეკის აბონემენტი, კალენდარი, სადაზღვევო პოლისი, ახალგაზრდა ქრისტიანთა წევრობის ბარათი, ბეისბოლის გუნდის Myers Chevrolet-ის თამაშების გრაფიკი, წითელი ჯვრის წევრის ბარათი, სტადიონის ბილეთები და ა.შ.

ასევე მრავალრიცხოვანი ჩანაწერები, საკუთარი და სხვისი, გამოყენებული და გამოუყენებელი ბილეთები, ქვითრები, საღეჭი რეზინის ცარიელი შეკვრა და სხვა ბევრი რამ, რაც ჩანთის პატრონისთვის ჩვეულებრივ ნაგავს წარმოადგენდა - მაგრამ შთამომავლობისთვის გახდება, სრულიად რელიქვიები!

პატის ჩანთაში ნაპოვნი ხურდა ფული შვილებმა გაინაწილეს სამახსოვროდ.